’برما میں بھارتی فوج کی کارروائی میں پاکستان کے لیے بھی پیغام‘ - (بھارت کی پاکستان کو دھمکی)

’برما میں بھارتی فوج کی کارروائی میں پاکستان کے لیے بھی پیغام‘
بھارتی وزیر راجيہ وردھن سنگھ راٹھور نے کہا ہے کہ برمی سرحد کے اندر بھارتی فوج کی کارروائی پاکستان سمیت ان دوسرے ممالک کے لیے ایک پیغام ہے جہاں بھارت مخالف شدت پسند نظریات والے لوگ بستے ہیں۔
بھارتی فوج نے منگل کو برما کی سرحد کے اندر داخل ہو کر شدت پسندوں کے دو کیمپ تباہ کیے ہیں۔
مرکزی وزیرِ مملکت برائے اطلاعات و نشریات راجيہ وردھن سنگھ کا کہنا ہے کہ سرحد پار یہ کارروائی کرنے کا فیصلہ ملک کے وزیرِ اعظم نریندر مودی نے کیا تھا۔
بھارتی اخبار انڈین ایکسپریس سے بات چیت کے دوران اس سوال پر کہ کیا بھارت پاکستان میں بھی ایسی کارروائی کر سکتا ہے؟ راٹھور نے کہا، ’یہ پاکستان سمیت تمام ممالک اور تنظیموں کے لیے ایک پیغام ہے جو ہندوستان کے خلاف دہشت گردی کو فروغ دیتے ہیں۔‘
ان کا کہنا تھا کہ ’ایک دہشت گرد صرف دہشت گرد ہوتا ہے اس کی کوئی دوسری شناخت نہیں ہوتی۔ ہم جب چاہیں گے تب کارروائی کریں گے۔‘
راٹھور نے جو خود بھارتی فوج میں کرنل رہ چکے ہیں، اخبار سے کہا، ’ہم بھارت پر حملہ برداشت نہیں کریں گے۔ ہم نے ہمیشہ پہل کریں گے، چاہے دوستی کے لیے یا جارحانہ کارروائی کے لیے۔ ہم اپنے منتخب جگہ اور وقت پر کارروائی کریں گے۔‘
140412135218_rajyavardhan_singh_rathore__304x171_abhasharma_nocredit.jpg

یہ پاکستان سمیت تمام ممالک اور تنظیموں کے لیے ایک پیغام ہے جو ہندوستان کے خلاف دہشت گردی کو فروغ دیتے ہیں۔ ایک دہشت گرد صرف دہشت گرد ہوتا ہے اس کی کوئی دوسری شناخت نہیں ہوتی۔ ہم جب چاہیں گے تب کارروائی کریں گے۔
راجیہ ودرھن راٹھور
فوج کی کارروائی کے بعد راٹھور نے ٹویٹ کیا تھا کہ ’بھارتی فوج نے شدت پسندوں کے دل میں حملہ کیا ہے۔ ملک کے دشمنوں کو کرارا جواب۔‘
اس بارے میں انھوں نے ٹی وی نیوز چینل ٹائمز ناؤ سے بات چیت میں کہا تھا کہ ’یہ خصوصی فوجی دستوں کی میانمار حد کے اندر سرانجام دی گئی ایک مہم تھی۔ بھارتی فوج نے شدت پسندوں کے دو کیمپ تباہ کر دیے۔‘
انھوں نے یہ بھی کہا کہ، ’یہ وزیر اعظم کی طرف سے کیا گیا ایک تاریخی فیصلہ تھا۔‘
اس سے پہلے بھارتی فوج نے بھی بھارت اور برما کی سرحد پر شدت پسندوں کے ساتھ تصادم کی تصدیق کی تھی اور کہا تھا کہ اس میں بڑی تعداد میں شدت پسند مارے گئے۔
بھارتی فوج کے ہیڈ کوارٹر میں فوجی مہمات کے ڈائریکٹر جنرل میجر جنرل رنبير سنگھ نے بتایا کہ منگل کی صبح برما کی سرحد پر دو الگ الگ مقامات پر بھارتی فوج اور شدت پسندوں کے درمیان تصادم ہوا۔
رنبير سنگھ نے کہا، ’گذشتہ کچھ دنوں میں ہمیں انتہائی قابل اعتماد اور درست معلومات ملی تھیں کہ ہمارے خلاف کچھ اور حملے ہو سکتے ہیں۔ خفیہ معلومات کی بنیاد پر ہم نے ان حملوں کو روکنے کے لیے کارروائی کی۔‘
اس مہم میں برما کے تعاون کی بات کرتے ہوئے انھوں نے کہا کہ، ’ہم برمی حکام کے ساتھ رابطے میں ہیں۔ دونوں ممالک کی افواج کے درمیان تعاون کی تاریخی روایت ہے اور ہم مستقبل میں بھی ان سے تعاون کی توقع رکھتے ہیں۔‘
 
اگر بھارت کو پاکستان سے پنگا لینے کا شوق ہے تو ، شوق سے پورا کرے مگر یہ یاد رکھے کہ پاکستان برما نہیں ہے۔ :p
 

محمداحمد

لائبریرین
بھونڈے الزامات تراش کر سرحدوں کے پار بلاجواز کاروائی شروع کر کے بھارت شاید خطے کے لئے امریکہ بننا چاہتا ہے لیکن بھارت کو اپنی اوقات میں رہنا چاہیے۔

پاکستان کو بھی چاہیے کہ اس طرح کی دھمکیوں کا ہر سطح پر بھرپور جواب دیا جائے اور ضرورت پڑھنے پر حفظِ ماتقدم کے طور پر کاروائی کرنے سے بھی دریغ نہ کرے۔ بھارت کو اوقات میں رکھنے کا یہی ایک طریقہ ہے۔
 
میانمر میں فوجی کارروائی کے بعد بھارت کی پاکستان کو دھمکیاں
283602_37222428.jpg

نئی دہلی (دنیا نیوز)جنگی جنون میں مبتلا بھارت پاگل ہوگیا ، میانمر میں جارحیت کے بعد پاکستان کو دھمکیاں دینے لگا ، وزیر اطلاعات راجیہ وردھن سنگھ راٹھور کا کہنا ہے کہ برما میں بھارتی فوج کی کارروائی پاکستان کے لیے پیغام ہے۔
مودی سرکار کا جنگی جنون حد سے بڑھ گیا ، میانمر میں گھس کر بیس افراد کو مار ڈالا اور اب پاکستان کو دھمکیاں دینے لگا ۔ بھارتی فوج کے سابق کرنل اور مرکزی وزیر مملکت برائے اطلاعات و نشریات راجيہ وردھن سنگھ نے نیا شوشا چھوڑا ہے کہ برمی سرحد کے اندر بھارتی فوج کی کارروائی پاکستان سمیت ان دوسرے ممالک کے لیے ایک پیغام ہے جہاں بھارت مخالف شدت پسند نظریات والے لوگ بستے ہیں ۔ بھارتی وزیر نے کہا جب اور جہاں چاہیں جارحانہ کارروائی میں پہل کریں گے ۔ راٹھور نے سماجی میڈیا کی سائٹ پر ٹوئٹ کرتے ہوئے لکھا ہے کہ بھارتی فوج نے شدت پسندوں کے دل میں حملہ کیا ہے ملک کے دشمنوں کو کرارا جواب ، بھارت نے میانمر کی سرحد کے اندر دہشت گردی کرتے ہوئے بیس سے زائد افراد کو مار ڈالا ، بھارتی فوج نے برما کے دو کیمپ بھی تباہ کر دیئے ، وزیر کا کہنا ہے کہ سرحد پار کارروائی کرنے کا فیصلہ وزیر اعظم نریندر مودی نے کیا۔
 
اسلام آباد (جیوڈیسک) وزیر داخلہ چودھری نثار نے کہا کہ بھارت کسی غلط فہمی نہ رہے پاکستان میانمار نہیں، پاک افواج کسی بھی جارحیت کا منہ توڑ جواب دینے کی صلاحیت رکھتی ہیں۔

وزیر داخلہ چودھری نثار کا بھارتی وزیر راجیا وردھن راٹھور کے بیان پر ردعمل دیتے ہوئے کہا کہ بھارت کسی غلط فہمی میں نہ رہے پاکستان میانمار نہیں ، پاک افواج کسی بھی جارحیت کا منہ توڑ جواب دینے کی صلاحیت رکھتی ہیں ، پاکستان خطے میں امن چاہتا ہے۔

انھوں نے کہا کہ وزیر اعظم نواز شریف نے پاک بھارت امن مذاکرات کا اعادہ کیا۔ بھارت نے مذاکرات کے تمام دروازے بند کر دیئے۔ ایل او سی پر بمباری بھارتی پالیسی کا حصہ بن گئی ہے۔

انھوں نے کہا کہ بھارتی وزرا کی طرف سے اشتعال اور دھمکی آمیز بیانات معمول بن گئے ہیں ، بھارتی قیادت دن میں خواب دیکھنا چھوڑ دے۔ پاکستان پر تسلط قائم کرنے کے بھارتی عزائم کامیاب نہیں ہوں گے، پاکستان کے خلاف عزائم رکھنے والے اپنے کان اور آنکھیں کھولیں
 
مودی جیسا نامی گرامی غنڈہ جب ملک کا سربراہ بن جائے تو پھر ایسی ہی کاروائیوں کی توقع کرنی چاہیے۔

پچھلے دنوں گوگل نے بھی غلطی سے مودی کو دس بڑے مجرموں کی فہرست میں دکھا دیا تھا۔

انتہائی افسوس کا مقام ہے کہ ایسا کھلا دہشت گرد جو اپنی ہی ریاست کے عوام کے خون سے ہولی کھیل چکا ہے ، کسی موقع پر بھی اس نے اس پر ندامت کا اظہار نہیں کیا بلکہ بارہا ایسا ہی سبق پاکستان کو سکھانے کی بھی خواہش کا اظہار کیا ہے۔
 
Top