یاری دی گل نہ چھیڑ یارا اج دے یار لٹیرے ھو

[سید شہزاد ناصر]

یاری دی گل نہ چھیڑ یارا اج دے یار لٹیرے ھو
اڈن نوں پر تول دے ریندے پنچھی جہیوں بنیرے ھو

جیہہ لبھے تے پچھے پچھےنہ لبھے تے اگیرے ھو
جانی یار نصیر نہ ملدے نانی یار بہتیرے ھو

جگ جگ جیون یار سچیرے تے ویکھاں صدا اچیرے ھو
وسن گلیاں تے کھلن بوہے کدی نہ مکن پھیرے ھو

رونق میلے گلاں باتاں درشن شام سویرے ھو
یاراں نال نصیر بہاراں یاراں باہجھ ہنیرے ھو

جیہہ نہ آوے یار نظر کی کرنا جی کے اساں ھو
نال اسی دے ہانسے کھیڈے خوشیاں مزے تے چساں ھو

یار نہ آیا پیون شالا جلد مُڑن دیاں دساں ھو
بن دیدار نصیر نہ مکن دل دسے دیاں دساں ھو

جھلی وا وچھوڑے ککھ نہ چھڈ اس پلے ھو
شالا کسے دا یار نہ وچھڑے یار نہ تھیون کلے ھو

اساں سھیڑے وچ جدائیاں صدمے اتے تھلے ھو
یار نصیر کی رس کے ٹریا اجڑے شہر محلے ھو

سید نصیر الدین نصیر گیلانی رحمتہ الله علیہ
​

 

[یوسف سلطان]