" ہوں"

با ادب نے 'آپ کی تحریریں' کی ذیل میں اس موضوع کا آغاز کیا، ‏جون 8, 2017

  1. با ادب

    با ادب محفلین

    مراسلے:
    698
    جھنڈا:
    Pakistan
    موڈ:
    Persnickety
    ,
    Let sea-discoverers to new worlds have gone,

    Let maps to other, worlds on worlds have shown,

    Let us possess one world, each hath one, and is one



    آؤ سمندروں کی خاک چھانتے کسی دور دیس نکل پڑیں

    دنیا کے نقشے پہ نئی دنئیائیں تلاش کریں

    آؤ ہم ایک دنیا رکھیں

    دونوں کی الگ ، دونوں کی ایک دنیا

    سنئیے ۔

    خاموشی ۔۔۔۔۔۔۔۔۔۔۔۔۔

    میرا جی چاھتا ھے ہم کولمبس کی طرح گھومتے پھرتے ایک دن ایک نئی دنیا دریافت
    کر لیں ۔

    ہوں ۔۔۔۔۔۔۔

    آپ چلیں گے میرے ساتھ ؟؟

    خاموشی۔۔۔۔

    میں جب بھی ایک نئی دنیا کا تصور کروں تو ذہن کے نقشے پہ جو دنیا وجود میں
    ؔآتی ہے وہ ہماری دنیا جیسی لیکن ہماری دنیا سے مختلف ایک دنیا ہے ۔

    اس دنیا میں جہاں گہرے سمندر ہیں چیختےچنگاڑتے پانیوں کا شور ہے ۔ حد نگاہ تک
    سبزہ پھیلا ہے ۔اور کچی مٹی کا جھونپڑہ ہے ۔ جہاں صرف ہم ہوں گے ۔
    ۔۔۔۔۔۔۔۔۔۔۔۔اور ۔۔۔۔۔۔۔

    تخیل کی پراواز مزید بلند ہوسکتی تھی اگر توجہ مل جاتی ۔۔۔۔۔۔۔۔

    پورا دن لمبی چوڑی گفتگو کے نتیجے میں جواب ملتا ہے ۔۔۔۔۔ہوں ۔۔۔۔۔۔۔۔۔۔۔

    میں کنوئیں میں کود جاؤں ۔۔۔۔

    ہوں ۔۔۔۔۔۔۔۔۔۔

    میں دریا میں چھلانگ لگا دوں ۔۔۔

    ہوں ۔۔

    میں آپ کو اچھی لگتی ہوں ؟

    ہوں ۔

    میں آپ کو بری لگتی ہوں ؟

    ہوں ۔

    آپ سارا دن کرتے کیا ہیں ؟؟

    ۔۔۔۔۔۔۔۔۔۔۔۔۔۔۔۔۔۔۔۔۔۔۔

    ہزار ہا گروپس اور محافل پہ انکی موجودگی یقینی ہے ۔ اور ان ہی گروپس اور
    محافل کو چھان مارئیے تین سال کے عرصے میں جہاں ایک کمنٹ کیا گیا ہوگا وہ بھی
    اتنا مختصر کہ سیکنڈ ختم ہونے سے پہلے پڑھا جائے ۔

    آپ لکتھے کیوں نہیں ؟

    ہوں ۔

    بولتے کیوں نہیں ؟؟

    ذرا صبر بھی کر لیا کیجیئے بیگم ۔

    اور پھر صبر کرتے کرتے چاہے آپ کا صبر تمام ہو جائے صبر صبر ہی رہے گا ۔

    یہ رویہ ہر گز فقط مجھ سے روا نہیں رکھا جاتا ۔

    کسی گزری صدی میں ایک دن ان کی والدہ محترمہ فرمانے لگیں ارے بیٹا تم ہی بات
    کر لیا کرو ہم سے تو کوئی بات نہیں کرتا ۔۔

    ہم نے تو ان کی باتوں کے دیوان لکھ رکھے ہیں ۔۔

    دیوان کا پہلا حرف “ہوں”

    دیوان کا آخری حرف “ہوں”

    اب تو زندگی کا یہی چلن ہے ۔ جس دن “ہوں” تمیز سے کہا جائے سمجھئیے محترم کا
    مزاج معتدل ہے ۔ اس دن آپ کو سو خون بھی معاف ہیں جو مرضی آئے کرتے پھرئیے
    خاموش لبوں سے “اف” نہیں نکلنے والا ۔

    جس دن “ہوں” تبسم فرما کے کہہ دیں اس دن انھیں قتل کر ڈالئیے ہنس کہ ہر ستم
    گوارہ ہے ۔

    لیکن جس بری گھڑی “ہوں” غضب کی صورت ادا ہو اس دن جان کی امان پائیے اور کسی
    کونے کھدرے میں دبک کے بیٹھ جائیے ۔۔۔ نہیں نہیں غلط ہر گز مت سمجھیئے گا اس
    دن کوئی دنگا فساد قتل غرت کرنے والے نہیں ۔۔ اس دن سے اگلے چند ایام تک مکمل
    خاموش ہو جائیں گے اور آپ زندگی بخش “ہوں” سے بھی جایئں گے ۔

    لفظ خاموشی میری زندگی کی تعریف ہے ۔

    محترم کو آدم بیزار ہر گز نہ سمجھا جائے انکی یقینا کوئی پوشیدہ محبوبہ موجود
    ہے جس کی شان میں غزلیں کہی جا سکتی ہیں ۔ لیکن میری تمام تر ہمدردیاں اس
    محبوبہ کے ساتھ ہیں جنم جلی کی اچھائی کسی غزل میں نہ بیان کی گئی ہے ۔ گو ان
    کے اہل خانہ کا متفقہ بیان ہے کہ زندگی میں میرے علاوہ موصوف نے کبھی کسی پہ
    پہلی نگاہ بھی نہیں ڈالی ۔

    اس سے بھی ہر گز مراد یہ نہ لی جائے کہ موصوف “ خواتین بیزار ” ہیں ۔ دفتر ،
    آس پڑوس حتیٰ کہ میری سہیلیوں کے بھی انتہائی صد احترام اور چہیتے “بھائی” ہیں
    ۔

    اور حقوق نسواں کے بہترین علمبردار بھی ۔

    زندگی میں صرف ایک موقع پہ ان کا غصہ دیکھا ہے اور دعا ہے کہ ایسا کوئی موقع
    دوبارہ کبھی نہ آئے ۔ آمین ۔

    کٹ ہی گئی خاموشی بھی کب یہ ہوا کہ مر گئے

    تیرے تو دن گزر گئے میرے ہی دن گزر گئے ۔
     
    • زبردست زبردست × 10
    • پسندیدہ پسندیدہ × 4
  2. راحیل فاروق

    راحیل فاروق محفلین

    مراسلے:
    1,323
    جھنڈا:
    Pakistan
    موڈ:
    Psychedelic
    معمولی بات کو اتنے دل‌چسپ انداز سے کہنے کا کچھ ڈھنگ تو ہمیں بھی سکھا دیجیے۔
     
    • پسندیدہ پسندیدہ × 1
  3. با ادب

    با ادب محفلین

    مراسلے:
    698
    جھنڈا:
    Pakistan
    موڈ:
    Persnickety
    ہوں. . :)
     
    • پر مزاح پر مزاح × 2
  4. راحیل فاروق

    راحیل فاروق محفلین

    مراسلے:
    1,323
    جھنڈا:
    Pakistan
    موڈ:
    Psychedelic
    واللہ، یہی ڈر تھا مجھے۔ بالکل یہی!
     
    • پر مزاح پر مزاح × 1
  5. با ادب

    با ادب محفلین

    مراسلے:
    698
    جھنڈا:
    Pakistan
    موڈ:
    Persnickety
    :ROFLMAO:
     
  6. لاریب مرزا

    لاریب مرزا محفلین

    مراسلے:
    5,643
    بہت خوب اور دلچسپ!!
     
    • دوستانہ دوستانہ × 1
  7. با ادب

    با ادب محفلین

    مراسلے:
    698
    جھنڈا:
    Pakistan
    موڈ:
    Persnickety
    بہت نوازش اور مہربانی
     
    • پسندیدہ پسندیدہ × 1
  8. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,898
    جھنڈا:
    Pakistan
    موڈ:
    Cheerful
    واہ ۔۔۔۔۔عمدہ تحریر۔
     
    • دوستانہ دوستانہ × 1
  9. با ادب

    با ادب محفلین

    مراسلے:
    698
    جھنڈا:
    Pakistan
    موڈ:
    Persnickety
    شکریہ جناب
     
  10. سین خے

    سین خے محفلین

    مراسلے:
    1,948
    جھنڈا:
    Pakistan
    موڈ:
    Cheerful
    بہت خوب (y)(y)(y)

    میرا ہوں: جی، ہممم، اچھا، ٹھیک، صحیح، ؟؟؟، :) وغیرہ کی صورت میں ہوتا ہے :rolleyes: اور زیادہ تر اس وقت ہوتا ہے جب سامنے والا بات ہی نہ سمجھ رہا ہو اور کافی عرصہ گزر گیا ہو جیسے چار یا چھ سال وغیرہ۔ :dont-know: کل رات ارادہ کیا ہے کہ آئندہ کسی کے لئے اپنی ہوں کی مختلف صورتوں سے ہی کام چلاؤں گی۔ :disapointed: ہم ہی ہار مان لیں تو اچھا ہے :eyeroll:
     
    • دوستانہ دوستانہ × 1
  11. چودھری مصطفی

    چودھری مصطفی محفلین

    مراسلے:
    407
    آپ کے میاں تو بالکل ہمارے مزاج کے معلوم ہوتے ہیں۔ اور محبوبہ بھی یقیناً ہو گی، گھر والوں کی گواہی تو اس معاملے میں قابلِ وقعت نہیں۔
     
    • پر مزاح پر مزاح × 2
  12. با ادب

    با ادب محفلین

    مراسلے:
    698
    جھنڈا:
    Pakistan
    موڈ:
    Persnickety
    بات یوں ہے کہ انھوں نے ہوش سنبھالا تو میں ہی انکی محبوبہ تھی. . . . پھر اسکے بعد چراغوں میں روشنی نہ رہی
     
    • پر مزاح پر مزاح × 1
  13. چودھری مصطفی

    چودھری مصطفی محفلین

    مراسلے:
    407
    ہماری بیگم کو بھی ہمارے بارے میں یہی وہم ہے کہ ہوش سنبھالتے ہی ہم ان پہ عاشق ہو گئے تھے، جو کچھ غلط بھی نہیں ، مگر

    دشت پڑتا ہے میاں عشق میں گھر سے پہلے
     
    • پر مزاح پر مزاح × 2
  14. با ادب

    با ادب محفلین

    مراسلے:
    698
    جھنڈا:
    Pakistan
    موڈ:
    Persnickety
    یعنی آج آپ ثابت کر کے اٹھیں گے کہ انکی محبوبہ موجود ہے. . . آپکے سنگی تو نہ تھے نا بچپن کے؟ ؟ یا جڑواں بھائی. . . آخر آپکو دعوٰی ہے ایک سی عادات کا. . .
     
  15. چودھری مصطفی

    چودھری مصطفی محفلین

    مراسلے:
    407
    آپ کا اصرار ہے کہ کوئی نہیں تو مان لیتے ہیں ورنہ ہمارا دل تو یہی کہتا ہے کہ مشکلہے
     
    • پر مزاح پر مزاح × 1
  16. حسن محمود جماعتی

    حسن محمود جماعتی محفلین

    مراسلے:
    2,500
    جھنڈا:
    Pakistan
    موڈ:
    Breezy
    "ہوں" بہت اچھی لگی.
     
    • دوستانہ دوستانہ × 1

اس صفحے کی تشہیر