ہم اہل ظرف کہ غم خانہ ء ہنر میں رہے ۔۔۔ سحر انصاری

بنگش

محفلین
ہم اہل ظرف کہ غم خانہ ء ہنر میں رہے
سفالِ نم کی طرح دستِ کو زہ گَر میں رہے

ہے چاک چاک رقم داستانِ گردشِ خاک
نمودِ صورت و اشکال کیا نظر میں رہے

فرار مل نہ سکا حبسِ جسم و جاں سے کہ ہم
طلسمِ خانہ ء تکرار خیر و شر میں رہے

کسی کو ربطِ مسلسل کا حو صلہ نہ ہوا
مثال دودِ پریشاں ہم اپنے گھر میں رہے

نہ ہم شرار دلِ سنگ تھے نہ رنگِ حنا
سخن کی آگ بنے حرف تازہ تر میں رہے

نہ سنگ میل تھا کوئ ، نہ کوئ نقش قدم
تمام عمر ہو ا کی طرح سفر میں رہے
 

فرخ منظور

لائبریرین
اچھی غزل ہے بنگش صاحب! سیدہ شگفتہ سحر انصاری کا کافی کلام اردو شاعری سیکشن میں پوسٹ کر چکی ہیں -
 
Top