ہمارے نبی (از: محمد حسین وفا جونپوری)

فارقلیط رحمانی

لائبریرین
ہمارے ہمارے ہمارے نبی​
ہیں رب کے دُلارے ہمارے نبی​
کبھی بے کسوں کے طرف دار ہیں​
کبھی غم زدوں کے بھی غم خوار ہیں​
کبھی مفلسوں کے سہارے نبی​
ہمارے ہمارے ہمارے نبی​
یہ چاند اور سورج زمیں آسماں​
یہ تارے نظارے حسیں کہکشاں​
ہیں مرہونِ منت تمہارے نبی​
ہمارے ہمارے ہمارے نبی​
انہیں مشرکوں نے ستایا بہت​
رلایا بہت خوں بہایا بہت​
مگر پھر بھی ہمت نہ ہارے نبی​
ہمارے ہمارے ہمارے نبی​
وہی کام آئیں گے روزِ جزا​
وہی بخشوائیں گے روزِ جزا​
وفا ہم نبی کے ہمارے نبی​
ہمارے ہمارے ہمارے نبی​
 
Top