مصحفی ہماری طرف آپ کم دیکھتے ہیں

[ادب دوست]

غزل

ہماری طرف آپ کم دیکھتے ہیں
وے آنکھیں نہیں اب جو ہم دیکھتے ہیں

ہمیں جستجو کس کی درپیش آئی
عرب ڈھونڈتے ہیں عجم دیکھتے ہیں

بہت دیکھا دنیا کو جاتے ہیں یارو
ذرا اب تو ملکِ عدم دیکھتے ہیں

بھروسہ ہے کیا دم کا یعنی کہ یاں کی
ہوا مختلف دم بہ دم دیکھتے ہیں

پڑے ہے نظر عیب ہی پر انہوں کی
ہنر مصحفی یار کم دیکھتے ہیں
​

 

[کاشف اختر]

واہ واہ! بہترین غزل! عمدہ انتخاب

 

[با ادب]

پڑے ہے نظر عیب ہی پر انہوں کی
ہنر مصحفی یار کم دیکھتے ہیں

ہمیں بھی لگتا ہے

 

[اکمل زیدی]

کیا ادب سے دوستی اب نہیں رہی
اب یہاں آپ کو کم دیکھتے ہیں

 

[با ادب]

اِ نھیں اب ہے فرصت کہاں محفلوں کی
یہ عرب وعجم جام و جم دیکھتے ہیں
( تمام شعراء کی روح سے معذرت کے ساتھ)

 

[محمد وارث]

اِ نھیں اب ہے فرصت کہاں محفلوں کی
یہ عرب وعجم جام و جم دیکھتے ہیں
( تمام شعراء کی روح سے معذرت کے ساتھ)

حالانکہ معذرت 'عرب' سے بنتی ہے

 

[با ادب]

حالانکہ معذرت 'عرب' سے بنتی ہے

عرب والوں سے ہمارا معذرت کا رشتہ نہیں. اور شعر کو.سوچنے کے لئیے زیادہ دماغ کھپانے کی.ہمیں فرصت نہیں.

 

[با ادب]

عَرَب کو عَرب پڑھ لیں آج کے لئیے.

 

[با ادب]

میں شاعری کی ابجد سے واقف ہونا تو بڑی دور کی بات ہے ابجد والی گلی کے سامنے سے بھی نہیں گزری ..لیکن کہیں نہ کہیں رگ ظرافت پھڑک اٹھتی ہے. اس غزل کو پڑھ کے بھی ایک کیفیت آئی. تمام شاعر حضرات سے پیشگی گزارش ہے کہ اسے مذاق ہی سمجھا جائے. تختئہ مشق سمجھ کے مذاق نہ اڑایا جائے.

 

[با ادب]

وہ لڑکی کی سیرت کو کم دیکھتے ہیں
جو ہو دیکھنا تو حجم دیکھتے ہیں

جو ابا کی گاڑی رہی ہو فراری
تو لڑکی کے عیبوں کو کم دیکھتے ہیں

انھیں جستجو کس کی در پیش آئی
وہ مشرق میں ابرو کے خم دیکھتے ہیں

گھریلو سی لڑکی پَہ ماڈل ہو پوری
کہ خوبی ہر اک اُن میں ضم دیکھتے ہیں

بہت دیکھیں اپنی حسینائیں یارو
ذرا اب تو مُلکِ فرنگ دیکھتے ہیں