ہماری بجلی کاٹی تو پنجاب کی سپلائی بند کردینگے، وزیراطلاعات خیبرپختونخوا

پشاور(نمائندہ جنگ) وزیرمملکت پانی وبجلی عابدشیرعلی نے کہا ہے کہ خیبرپختونخوا کے وزراء بجلی چوروں کو تحفظ دے رہے ہیں گزشتہ 6ماہ میں پیسکوکو 13ارب روپے کا نقصان ہوا ۔ صوبائی وزیراطلاعات شاہ فرمان اور ایم پی اے فضل الٰہی بجلی چوروں کے سرغنہ ہیں۔ پشاور میں پیسکو اہلکاروں پر اٹھنے والے ہاتھ کاٹ دینگے۔بجلی چوری میں ملوث لوگوں کو 2لاکھ جرمانہ اور25سال قید ہوگی۔ عمران خان دھرنوں کی بجائے خیبرپختونخوا میں بجلی چوری رکوائیں اورریکوری میں مدد دیں، جہاں لائن لاسز ہوں گے وہاں 20گھنٹے لوڈشیڈنگ کی جائے گی ۔بدھ کو واپڈاہائوس پشاور میں پریس کانفرنس سے خطاب کرتے ہوئے عابدشیرعلی نے کہا کہ 90فیصد لائن لاسز صوبائی وزیر اطلاعات شاہ فرمان کے علاقے میں ہورہے ہیں، ان کے علاقے میں پیسکوکے 1.3ارب روپے کے بقایاجات ہیں،خیبرپختونخوا میں لائن لاسز90فیصد تک پہنچ چکے ہیں،انہوں نے پیسکوچیف کو ہدایت کی کہ وہ بجلی چوروں کو آخری وارننگ دیں،انہوں نے کہا کہ خیبر پختونخوا کو مفت بجلی فراہم نہیں کرسکتے ،دھرنے دینا آسان ہے مگر کارکردگی دکھانامشکل ہے۔وفاقی حکومت جلد 15سو سے2ہزار میگاواٹ بجلی نیشنل گرڈ میں لے آئے گی۔
162117_l.jpg


٭.........پشاور(نمائندہ جنگ،ایجنسیاں) خیبرپختونخوا اسمبلی کے اجلاس میں بدھ کی شام وفاقی وزیر مملکت برائے پانی وبجلی عابد شیر علی کی پشاور میں منعقدہ پریس کانفرنس پر صوبائی وزیر اطلاعات شاہ فرمان کے ردعمل کے دوران اپوزیشن ارکان نے شدید احتجاج کیا،اس دوران ایوان مچھلی بازاربن گیا، صوبائی وزیر اطلاعات نے وفاق کی جانب سے بنوں کی بجلی بند کرنے کی دھمکی کے جواب میں پنجاب کو بجلی کی سپلائی بند کرنے کا اعلان کیا۔ قبل ازیں ڈپٹی اسپیکر امتیاز شاہد قریشی کی صدار ت میں اسمبلی کا اجلاس شروع ہوا تو شاہ فرمان نے کہا کہ آج وفاقی وزیر مملکت عابد شیر علی نے پھر کہا ہے کہ یہاں بجلی چوری ہورہی ہے،صوبائی وزراء اور ارکان اسمبلی پر پیسکوکے معاملات میں مداخلت کے الزامات غلط ہیں ، بجلی چوری روکنا اوربلوں کی وصولی کرنا وفاق اور پیسکو کا کام ہے، انہوں نے کہاکہ پنجاب اور سندھ میں بجلی چوری اورلائن لاسزسب سے زیادہ ہیں، خیبرپختونخوا کے وہاں سے کم ہیں ،ہر جگہ الیکٹرک سپلائی کمپنیوں کے چیف تبدیل کئے گئے مگر صوبائی حکومت کے مطالبے کے باوجود پیسکو چیف کو تبدیل نہیں کیا گیا ،وفاق صوبے کو بجلی کی رائلٹی کے بقایا جات نہیں دے رہا اور ایک ایسے ادارے میں ہونے والی بے قاعدگی کا الزام صوبے پر لگا رہے ہیں جس کا اختیار صوبے کے پاس نہیں ہے ۔وفاق صوبے میں موجود ہائیڈل پاور کے منصوبوں میں فنڈنگ بھی نہیں کررہا ۔ انہوں نے خبردار کیا کہ اگر بنوں کی بجلی کاٹی گئی تو ہم پنجاب کی بجلی کاٹ دیں گے۔
 
انا للہ و انا الیہ راجعون۔ ایک قومی جماعت تحریک انصاف کے وزیر سے ایسی صوبائی تعصب والی بات کی توقع ہر گز نہیں تھی۔
 
انا للہ و انا الیہ راجعون۔ ایک قومی جماعت تحریک انصاف کے وزیر سے ایسی صوبائی تعصب والی بات کی توقع ہر گز نہیں تھی۔
جناب شیروں سے اتنی دوستی اچھی نہیں ہوتی ہے جانور پھر جانور ہوتا ہے بعض اوقات چومتے چومتے ۔۔۔۔پیار کرتے کرتے گردن بھی چپادیتا ہے۔
 
جناب شیروں سے اتنی دوستی اچھی نہیں ہوتی ہے جانور پھر جانور ہوتا ہے بعض اوقات چومتے چومتے ۔۔۔ ۔پیار کرتے کرتے گردن بھی چپادیتا ہے۔
اگر ان شیروں نے بیہودگی کی انشآاللہ اصلی شیر (عوام) اگلے الیکشن میں انکوں کان سے پکڑ کر باہر کردینگے۔
 

کاشفی

محفلین
ہمیں غدار کہہ لو کوئی پرابلم نہیں۔۔۔کاش ہم غدار بن کر دکھائیں۔۔
لیکن جن کو تم غدار کہتے ہو۔۔اس طرح کی باتیں دوسرے کرتے ہیں تو ان کو بھی غدار کہو۔۔منافقت نہ دکھاؤ اور نہ تعصب۔۔۔
جو ہسپتال پہنچا ہے ۔۔اللہ اس کو صحت و تندرستی کے ساتھ لمبی حیاتی عطا فرمائے۔۔آمین
اور جو لندن میں ہیں انہیں صحت و تندرستی کے ساتھ لمبی حیاتی عطا فرمائے۔۔آمین
 

کاشفی

محفلین
1502508_10151987204075528_1028467462_n.jpg

عابد شیرعلی بک بک بند کریں وہ خود بجلی چور ہیں، وزیراعلیٰ خیبر پختونخوا
ہم نے بجلی کی چوری روکنے کےلئے پیسکو کو 3 تھانے دے رکھے ہیں، پرویزخٹک فوٹو: فائل

پشاور: وزیر اعلیٰ خیبرپختونخوا اپنے وزرا پر بجلی چوری کے الزام کے دفاع میں وزیر مملکت برائے پانی و بجلی عابد شیر علی پر ایسے برسے کہ اخلاق کا دامن ہی ہاتھ سے چھوڑ بیٹھے اور کہا کہ عابد شیر علی بک بک بند کریں وہ خود بجلی چور ہیں۔

پشاور میں میڈیا سے بات کرتے ہوئے وزیر اعلیٰ خیبر پختونخوا نے کہا کہ وفاق بجلی چوری کے معاملے پر سینہ زوری کررہا ہے، ایسا لگتا ہے کہ وفاقی حکومت کا بجلی چوری کا مسئلہ حل کرنے کا کوئی ارادہ ہی نہیں۔ انہوں نے کہاکہ عابد شیر علی یہاں آکر بک بک کرتے ہیں حالانکہ وہ خود بجلی چور ہیں، ہم نے بجلی کی چوری روکنے کےلئے پیسکو کو 3 تھانے دے رکھے ہیں۔

اس موقع پر وزیر اطلاعات خیبرپختونخوا شاہ فرمان کا کہنا تھا کہ یہاں بجلی چوری ضرور ہورہی ہے لیکن اس چوری میں پیسکو کے اہلکار خود ملوث ہیں۔ انہوں نے کہاکہ ہم نے ایسے کیسز پکڑے ہیں جس میں ملازمین کمرشل یونٹس کو کیش پر بجلی فروخت کرتے ہیں اور یہ پیسہ اپنی جیب میں ڈالتے ہیں جب کہ اس مد میں ضائع ہونے والے یونٹس لائن لاسز یا غریبوں کے خاطے میں ڈال دیئے جاتےہیں جسے یہ چوری کہتے ہیں۔
 

شمشاد

لائبریرین
کیا بات ہے۔ ہمارے منتخب شدہ اراکین اسمبلی کیا کیا گوہر افشانیاں فرما رہے ہیں۔
ان سے اچھے تو پھر گلی محلوں کے ماجھے ساجھے ہی اچھے ہیں۔
 
جب ایسے لوگ اسمبلیوں میں جاکر ایسی باتیں کرتے ہیں تو جمہوری اداروں پر عوام کا اعتماد نہیں رہتا۔ عوام یہ بات بھول جاتے ہیں کہ انکو عوام نے ہی ووٹ دے کر وہاں بھیجا ہے۔
اسمبلیوں میں جانے والے اگر چاہتے ہیں کہ ان کا اقتدار اور احترام قائم رہے تو قابل احترام طریقہ اختیار کریں تاکہ انکے نکالے جانے پر لوگ افسوس کریں ناکہ خوشیاں منائیں نا کہ مٹھائیاں بانٹیں۔
 
اگر ان شیروں نے بیہودگی کی انشآاللہ اصلی شیر (عوام) اگلے الیکشن میں انکوں کان سے پکڑ کر باہر کردینگے۔

اینٹوں کے بھٹے سے ایک زیرِ تعمیر مکان کی جانب اینٹیں دھو کر جاتے ہوئے اصلی شیروں (عوام) میں سے ایک اصلی شیر نے دوسرے اصلی شیر سے پوچھا:
"یار اس مرتبہ الیکشن میں کس پارٹی کو ووٹ دے رہے ہو، کس کو جتوانے کا ارادہ ہے؟"
دوسرے اصلی شیر نے اطمینان سے بڑے دھیمے سپروں میں رینکتے ہوئے کہا؛
"تُو اتنی فکر نہ کر۔۔۔کیا فرق پڑتا ہے۔۔۔پارٹی کوئی بھی اجائے، تُو نے تو اسی طرح اینٹیں پیٹھ پر لاد کر چلنا ہے جس طرح آج لدے پھندے چل رہے ہو "
 
Top