داغ ہجرِ جاناں میں گئی جان بڑی مشکل سے ۔ داغ دہلوی

فرخ منظور

لائبریرین
ہجرِ جاناں میں گئی جان بڑی مشکل سے
میری مشکل ہوئی آسان بڑی مشکل سے

ضعف تھا ما نع آرائش ِوحشت کیا کیا
ہاتھ آیا ہے گریبان بڑی مشکل سے

بھولے بھالے ہیں فرشتوں کو کوئی پھسلا دے
مانتا ہے مگر انسان بڑی مشکل سے

جب کسی زلف ِپریشاں کا خیال آتا ہے
جمع پھر ہوتے ہیں اوسان بڑی مشکل سے

دشتِ الفت نہیں بازی کہ طفلاں اے دل
ہاتھ آتا ہے یہ میدان بڑی مشکل سے

جاں نثاروں میں ہم ہیں یہ تمہیں یاد رہے
ورنہ دیتا ہے کوئی جان بڑی مشکل سے

کیا ہر اک مرحلہِ عشق ہے دشوار گزار
طے ہوا آسان سا آسان بڑی مشکل سے

لے گئے کھینچ کے بت خانے سے ہم مسجد میں
کل ہوا داغؔ ، مسلمان بڑی مشکل سے

(داغؔ دہلوی)
 

شیزان

لائبریرین
جاں نثاروں میں ہم ہیں یہ تمہیں یاد رہے
ورنہ دیتا ہے کوئی جان بڑی مشکل سے

عمدہ انتخاب فرخ صاحب۔۔ شکریہ قبول فرمایئے
 
Top