ھد یہ نعت بحضورِ سرورِ کائینات ( صلی اللہ علیہ و سلم) محمد خلیل الرحمٰن

[محمد خلیل الرحمٰن]

ھد یہ نعت بحضورِ سرورِ کائینات ( صلی اللہ علیہ و سلم
از محمد خلیل الر حمٰن

زمیں پہ نازشِ انساں محمد عربیﷺ
فلک پہ نور کا ساماں محمدِ عربیﷺ
دکھی دلوں کے لیے چارہ ساز ذکرِ نبی
ہر ایک درد کا درماں محمدِ عربیﷺ
تمہارے دم سے ہے ’’ تصویرِ کائینات میں رنگ‘‘
تمہی حیات کا عنواں محمدِ عربیﷺ
مٹے ہیں فاصلے کون و مکاں کے آج کی شب
ہیں آج عرش پہ مہماں محمدِ عربیﷺ
ہر امّتی کی شفاعت خدا کی مرضی سے
تمہاری شان کے شایاں محمدِ عربیﷺ
شفیعِ امّتِ مرحوم، ھادیئ برحق
گواہ آپ کا قرآں محمدِ عربیﷺ
تمہارے بعد نہ ہوگا کوئی خدا کا نبی
ہیں آپ ختمِ رسولاں محمدِ عربیﷺ
خلیل کو بھی دکھا دیجیے رخِ انور
اسے ہے بس یہی ارماں محمدِ عربیﷺ
( کالج کے زمانے کی لکھی ہوئی ایک نعت
​

 

[محمد خلیل الرحمٰن]

جزاک اللہ جناب جیلانی صاحب

 

[الف عین]

بہت خوب خزینہ۔خلیل۔ بس دو ’فرمائشیں‘ میری طرف سے
ایک تو ’تصویرِ کائنات میں رنگ‘ کو واوین میں کر دیں
اور دوسرے ایک مصرع میں ’ع‘ کا اسقاط ہے جو گوارا نہیں کیا جا سکتا
ہم عاصیوں کی شفاعت خدا کی مرضی سے
اس کو بدل دیں۔

 

[محمد خلیل الرحمٰن]

میری جانب سے اپنی قیمتی رائے کا شکریہ قبول کیجیے۔ آپ کی فرمائشیں پوری کردی ہیں۔ مصرع پھر سے دیکھ لیجیے ۔
محمد خلیل الرحمٰن

 

[محمد خلیل الرحمٰن]

اردو محفل پر اپنے پانچ سال مکمل ہونے پر قندِ مکرر

 

[محمد وارث]

جزاک اللہ

 

[آوازِ دوست]

اردو محفل پر اپنے پانچ سال مکمل ہونے پر قندِ مکرر

جناب محمّد خلیل الرحمٰن صاحب آپ کا بے حد شکریہ کہ آپ نے اپنے پانچ قیمتی برس محفل کو وقت دے کر اس کی عزت بڑھائی۔ محفل کی ہر سانس آپ اور آپ جیسے سنجیدہ اور ایثار پیشہ ساتھیوں کی مقروض ہے۔ اللّہ کریم آپ کو صحت اور آسانیوں والی عمرِ خضر عطا کرے۔

 

[محمد تابش صدیقی]

ماشاءاللہ، بہت ہی خوبصورت نعت۔
اور پانچ سال مکمل ہونے پر مبارکباد۔

 

[الف نظامی]

تمہارے بعد نہ ہوگا کوئی خدا کا نبی
ہیں آپ ختمِ رسولاں محمدِ عربی​

 

[شمشاد خان]

ماشاء اللہ
جزاک اللہ۔

 

[اَرفَق پورن پوری]

ھد یہ نعت بحضورِ سرورِ کائینات ( صلی اللہ علیہ و سلم
از محمد خلیل الر حمٰن

زمیں پہ نازشِ انساں محمد عربیﷺ
فلک پہ نور کا ساماں محمدِ عربیﷺ
دکھی دلوں کے لیے چارہ ساز ذکرِ نبی
ہر ایک درد کا درماں محمدِ عربیﷺ
تمہارے دم سے ہے ’’ تصویرِ کائینات میں رنگ‘‘
تمہی حیات کا عنواں محمدِ عربیﷺ
مٹے ہیں فاصلے کون و مکاں کے آج کی شب
ہیں آج عرش پہ مہماں محمدِ عربیﷺ
ہر امّتی کی شفاعت خدا کی مرضی سے
تمہاری شان کے شایاں محمدِ عربیﷺ
شفیعِ امّتِ مرحوم، ھادیئ برحق
گواہ آپ کا قرآں محمدِ عربیﷺ
تمہارے بعد نہ ہوگا کوئی خدا کا نبی
ہیں آپ ختمِ رسولاں محمدِ عربیﷺ
خلیل کو بھی دکھا دیجیے رخِ انور
اسے ہے بس یہی ارماں محمدِ عربیﷺ
( کالج کے زمانے کی لکھی ہوئی ایک نعت
​

ماشاء اللہ بہت خوب...... دعا قبول ہو.... آمین

 

[لاريب اخلاص]

ماشاءاللہ بہت خوبصورت نعت۔

 

[سیما علی]

تمہارے بعد نہ ہوگا کوئی خدا کا نبی
ہیں آپ ختمِ رسولاں محمدِ عربیﷺ

ماشاء اللّہ
سبحان اللّہ سبحان اللّہ
مالک آپ کو اجرِ عظیم عطا فرمائے آمین