گڑیا کی شادی

[حمزہ کاظمی]

گڑیا کی شادی


نظم : اقبال راشد


پیاری پیاری میری گڑیا
جگ سے پیاری میری گُڑیا

کومل چہرہ ، سُندر آنکھیں
راج دُلاری میری گڑیا

مجھ سے کہتی ہے شہزادی
گُڑیا کی میں کردوں شادی

اس کا گڈا بھی اچھا تھا
بات سمجھ لو ، یوں ٹھہرا دی

شام ڈھلے باراتی پہنچے
گڈے کو گھوڑے پر رکھے

میں نے نجمہ کو بُلوایا
مہمانوں کو جا کر دیکھے

قاضی ہاتھی بھاگے آئے
سب نے کھیل بتاشے کھائے

نرگس جب ڈولی میں بیٹھی
میں نے آنسو خوب بہائے