گوگل کروم میں تیز براؤزنگ کے لیے تبدیلیاں!

arifkarim

معطل
گوگل کروم میں تیز براؤزنگ کے لیے تبدیلیاں
569faed12d4a0.jpg

گوگل کی جانب سے ویب سرفنگ کو تیز کرنے کے لیے کروم براﺅزر میں کچھ تبدیلیاں لائی جارہی ہیں۔
گوگل کی ویب پرفارمنس انجنیئر ایلیا گریگورک کے مطابق گوگل کروم کے ذریعے براﺅزنگ کو تیز کرنے کے لیے کمپریشن الگورتھم میں تبدیلیاں لائی جارہی ہیں۔
اس اپ ڈیٹ کو بروٹلی کا نام دیا گیا ہے جس کے تحت ویب پیجز چھوٹے ہوجائیں گے جس سے لوڈنگ کا وقت اور ڈیٹا کے استعمال میں بچت ہوسکے گی۔
اس سے قبل ستمبر 2015 میں گوگل بلاگ میں بھی اس منصوبے کا ذکر کرتے ہوئے بتایا گیا تھا کہ بروٹلی ایچ ٹی ایم ایل، سی ایس ایس اور جاوا اسکرپٹ کوڈ کا سائز سابقہ ورژن کے مقابلے میں 25 فیصد تک کم کردے گا۔
گوگل کے مطابق ویب پیجز کو چھوٹے سائز میں کرنے کا سب سے زیادہ فائدہ موبائل ڈیوائسز کو ہوگا جہاں وائی فائی سے محروم صارفین کو ڈیٹا پلان کو اپنانا پڑتا ہے۔
کمپنی کا کہنا ہے کہ ہمارے خیال میں انٹرنیٹ صارفین کے لیے وقت زیادہ اہمیت رکھتا ہے۔
یہ فیچر کب تک متعارف کرایا جاتا ہے ابھی اس بارے میں کہنا مشکل ہے تاہم اس وقت موبائل ڈیوائسز پر 40 فیصد افراد اینڈرائیڈ پر کروم کے ذریعے ویب سرفنگ کرتے ہیں۔
لنک
 
Top