نبیل
تکنیکی معاون
موبائل ٹیلی کمیونیکیشن کمپنی ٹی موبائل نے گوگل کے موبائل فون آپریٹنگ سسٹم اینڈرائڈ پر مبنی پہلے موبائل فون T-Mobile G1 کی نمائش کی ہے۔ یہ فون اکتوبر میں امریکہ کی مارکیٹ میں دستیاب ہوگا۔ گوگل کا موبائل فون ایپل کے آئی فون سے کافی مشابہت رکھتا ہے لیکن گوگل کے موبائل فون میں ملٹی ٹاسکنگ کی سہولت موجود ہے جبکہ آئی فون میں ایک وقت میں صرف ایک پروگرام ہی رن کیا جا سکتا ہے۔ گوگل کے موبائل فون میں شامل ڈیجیٹل کیمرہ 3 میگا پکسل کا ہے جو کہ سٹیٹ آف دی آرٹ نہیں ہے۔ سونی اور ایرکسن کے موبائل فونز میں 5 میگاپکسل کا ڈیجیٹل کیمرہ شامل ہے۔
ٹی موبائل جی ون کے کنٹریکٹ میں اگرچہ ان لمیٹڈ انٹرنیٹ براؤزنگ شامل ہوگی لیکن ایک گیگا بائٹ کی ڈیٹاٹرانسفر کی حد بھی اس کو محدود کر دے گی۔ گوگل کے موبائل فون سے متعلق ابتدائی تجزیات اس ربط (جرمن) پر موجود ہیں۔
