فرخ منظور
لائبریرین
گر اور بھی مری تربت پہ یار ٹھہرے گا
تو زیرِ خاک نہ یہ بے قرار ٹھہرے گا
نہ بولو کوئی مرے جھگڑے میں، مَیں سمجھ لوں گا
مرے اور اس کے جو دار و مدار ٹھہرے گا
اگر یہ ہے ترے دامن کی حشر و نشر میاں
زمیں پہ خاک ہمارا غبار ٹھہرے گا
چلے بھی جا جرسِ غنچہ کی صدا پہ نسیم
کہیں تو قافلۂ نوبہار ٹھہرے گا
یہی ہے دل کا دھڑکنا مرے اگر تہِ خاک
تو کیا مزار پہ سنگِ مزار ٹھہرے گا
نگاہِ لطف سے تیری ہمیں توقع ہے
کبھی تو وعدۂ بوس و کنار ٹھہرے گا
تمہارے ناوکِ مژگاں کے سامنے خوباں
کہاں تلک یہ دلِ داغ دار ٹھہرے گا
تمہارے وعدوں پہ ہم کو تو اب نہیں ٹھہراؤ
مگر نیا کوئی امیدوار ٹھہرے گا
جو سیر کرنی ہے کر لے کہ جب خزاں آئی
نہ گُل رہے گا چمن میں، نہ خار ٹھہرے گا
خدنگ خوردہ دل آگے سے اُس کے جاتا ہے
خبر نہیں کہ کہاں یہ شکار ٹھہرے گا
شتاب آئیو ٹھہرا رکھیں گے ہم اس کو
جو جاں لبوں پہ دمِ انتظار ٹھہرے گا
اسے نہ دفن کرو سمجھو تو کوئی یارو
زمیں میں مصحفیِ بے قرار ٹھہرے گا؟
(غلام ہمدانی مصحفی)
تو زیرِ خاک نہ یہ بے قرار ٹھہرے گا
نہ بولو کوئی مرے جھگڑے میں، مَیں سمجھ لوں گا
مرے اور اس کے جو دار و مدار ٹھہرے گا
اگر یہ ہے ترے دامن کی حشر و نشر میاں
زمیں پہ خاک ہمارا غبار ٹھہرے گا
چلے بھی جا جرسِ غنچہ کی صدا پہ نسیم
کہیں تو قافلۂ نوبہار ٹھہرے گا
یہی ہے دل کا دھڑکنا مرے اگر تہِ خاک
تو کیا مزار پہ سنگِ مزار ٹھہرے گا
نگاہِ لطف سے تیری ہمیں توقع ہے
کبھی تو وعدۂ بوس و کنار ٹھہرے گا
تمہارے ناوکِ مژگاں کے سامنے خوباں
کہاں تلک یہ دلِ داغ دار ٹھہرے گا
تمہارے وعدوں پہ ہم کو تو اب نہیں ٹھہراؤ
مگر نیا کوئی امیدوار ٹھہرے گا
جو سیر کرنی ہے کر لے کہ جب خزاں آئی
نہ گُل رہے گا چمن میں، نہ خار ٹھہرے گا
خدنگ خوردہ دل آگے سے اُس کے جاتا ہے
خبر نہیں کہ کہاں یہ شکار ٹھہرے گا
شتاب آئیو ٹھہرا رکھیں گے ہم اس کو
جو جاں لبوں پہ دمِ انتظار ٹھہرے گا
اسے نہ دفن کرو سمجھو تو کوئی یارو
زمیں میں مصحفیِ بے قرار ٹھہرے گا؟
(غلام ہمدانی مصحفی)
