مصطفیٰ زیدی گریہ تو اکثر رہا، پَیہم رہا ۔ مصطفیٰ زیدی کی غزل میر تقی میر کی زمین میں

[فرخ منظور]

میر تقی میر کی زمین میں مصطفیٰ زیدی کی ایک غزل

گریہ تو اکثر رہا، پَیہم رہا

پھر بھی دل کے بوجھ سے کچھ کم رہا​

قمقمے جلتے رہے ، بُجھتے رہے
رات بھر سینے میں اک عالم رہا

اُس وفا دشمن سے چُھٹ جانے کے بعد
خود کو پا لینے کا کِتنا غم رہا

اپنی حالت پر ہنسی بھی آئی تھی
اِس ہنسی کا بھی بڑا ماتم رہا

اِتنے ربط ، اِتنی شناسائی کے بعد
کون کس کے حال کا محرم رہا

پتھروں سے بھی نکل آیا جو تِیر
وہ مرے پہلو میں آکر جم رہا

ذہن نے کیا کچھ نہ کوشش کی مگر
دل کی گہرائی میں اک آدم رہا
​

(مصطفیٰ زیدی)
(شہرِ آذر)​