فرحان محمد خان
محفلین
کیسی نجات مل نہ سکے گی پناہ تک
اب تیر آ رہے ہیں مری خیمہ گاہ تک
کیا تذکرہ سپاہِ شہادت نصیب کا
غلطاں بہ خوں ہے پرچمِ میرِ سپاہ تک
اے قوم ! ترک تازیِ تازہ کا دم کہاں؟
مسدود ہے فرار و ہزیمت کی راہ تک
ڈرتا ہوں برشگالِ حوادث نہ ہو کہیں
اک ابرِ خوں محیط ہے حدِّ نگاہ تک
بھاگو کہ ایک سیلِ بلا ہے رواں دواں
قومِ تباہ حال سے شہرِ تباہ تک
حیران ہوں کہ روشنی صبح کس طرح!
پہنچی ہے شام سے مرے روزِ سیاہ تک
اب کون ارتکابِ گناہِ وفا کرے
باقی نہیں ہے جراتِ عذرِ گناہ تک
یہ راہِ شوق تیری رفاقت میں کٹ گئی
اے دوست ! اور چند قدم قتل گاہ تک
محصور ہوں رئیسؔ ، شریروں کے غول میں
پہنچے یہ اطلاع کسی خیر خواہ تک
اب تیر آ رہے ہیں مری خیمہ گاہ تک
کیا تذکرہ سپاہِ شہادت نصیب کا
غلطاں بہ خوں ہے پرچمِ میرِ سپاہ تک
اے قوم ! ترک تازیِ تازہ کا دم کہاں؟
مسدود ہے فرار و ہزیمت کی راہ تک
ڈرتا ہوں برشگالِ حوادث نہ ہو کہیں
اک ابرِ خوں محیط ہے حدِّ نگاہ تک
بھاگو کہ ایک سیلِ بلا ہے رواں دواں
قومِ تباہ حال سے شہرِ تباہ تک
حیران ہوں کہ روشنی صبح کس طرح!
پہنچی ہے شام سے مرے روزِ سیاہ تک
اب کون ارتکابِ گناہِ وفا کرے
باقی نہیں ہے جراتِ عذرِ گناہ تک
یہ راہِ شوق تیری رفاقت میں کٹ گئی
اے دوست ! اور چند قدم قتل گاہ تک
محصور ہوں رئیسؔ ، شریروں کے غول میں
پہنچے یہ اطلاع کسی خیر خواہ تک
رئیس امروہوی