کیجیے کس زباں سے شکرِ خدا - مولانا کفایت علی کافی مراد آبادی (شہید)

الف نظامی نے 'حمد، نعت، مدحت و منقبت' کی ذیل میں اس موضوع کا آغاز کیا، ‏نومبر 6, 2017

  1. الف نظامی

    الف نظامی لائبریرین

    مراسلے:
    13,779
    جھنڈا:
    Pakistan
    موڈ:
    Cool
    کیجیے کس زباں سے شکرِ خدا
    کِیں عطا اس نے نعمتیں کیا کیا

    ہر سرِ مُو ہو گر ہزار زباں
    ہر زباں سے کروں ہزار بیاں

    مُو برابر نہ ہو سکے تقریر
    حمدِ خلاق و شکرِ رب قدیر

    ہے و معطی و منعم و وہاب
    جس کی رحمت کا کچھ نہیں ہے حساب

    ہیں عنایاتِ ایزدِ غفار
    یوں تو ہم سب پہ بے حساب و شمار

    ہے مگر یہ عجیب فضل و کرم
    کہ مخاطب کیا بخیرِ امم

    شکر کس طرح سے کریں اس کا
    کہ کِیا امتِ حبیب ِ خدا ﷺ

    وہ رسولِ خدا ﷺ شفیع ِ امم
    ہے لقب جن کا رحمتِ عالم ﷺ

    ان کے حق میں خدا نے فرمایا
    تم کو رحمت کے واسطے بھیجا

    ہم پہ احسان یہ کیا کیسا
    ان کی امت میں جو کیا پیدا

    واہ کیا ذاتِ پاکِ حضرت ﷺ ہے
    عینِ رحمت ہے ، عینِ رحمت ہے
     

اس صفحے کی تشہیر