آتش کوئی عشق میں مجُھ سے افزوں نہ نکلا - آتش

[فرخ منظور]

کوئی عشق میں مجُھ سے افزوں نہ نکلا
کبھی سامنے ہو کے مجنوں نہ نکلا

بڑا شور سنتے تھے پہلو میں دل کا
جو چیرا تو اِک قطرہء خوں نہ نکلا

بجا کہتے آئے ہیں ہیچ اس کو شاعر
کمر کا کوئی ہم سے مضموں نہ نکلا

ہُوا کون سا روزِ روشن نہ کالا
کب افسانہء زلفِ شب گوں نہ نکلا

پہنچتا اسے مصرعِ تازہ و تر
قدِ یار سا سروِ موزوں نہ نکلا

رہا سال ہا سال جنگل میں آتِش
مرے سامنے بیدِ مجنوں نہ نکلا

*** خواجہ حیدر علی آتش

 

[ملائکہ]

اچھی غزل ہے،شکریہ

 

[محمد وارث]

شکریہ فرخ صاحب آتش کی خوبصورت غزل شیئر کرنے کیلیئے

 

[فاتح]

بہت شکریہ فرخ صاحب۔ میں نے آتش کی اس غزل کا صرف یہ شعر سنا تھا:

بڑا شور سنتے تھے پہلو میں دل کا
جو چیرا تو اِک قطرہء خوں نہ نکلا

 

[فرحت کیانی]

بڑا شور سنتے تھے پہلو میں دل کا
جو چیرا تو اِک قطرہء خوں نہ نکلا

بہت خوب۔ بہت شکریہ سخنور

 

[فرخ منظور]

بہت شکریہ ملائکہ، وارث صاحب، فاتح صاحب اور فرحت کیانی - یہ بھی اسی لیے پوسٹ کی کہ اسکا ایک شعر اکثر لوگوں نے سنا ہوگا لیکن پوری غزل نہیں پڑھی ہوگی -

 

[مرک]

بہت شکریہ ملائکہ، وارث صاحب، فاتح صاحب اور فرحت کیانی - یہ بھی اسی لیے پوسٹ کی کہ اسکا ایک شعر اکثر لوگوں نے سنا ہوگا لیکن پوری غزل نہیں پڑھی ہوگی -

واہ واہ واہ۔۔۔۔
کتنا خیال ہے اپ کو لوگوں کا بہت خوب

 

[فرخ منظور]

واہ واہ واہ۔۔۔۔
کتنا خیال ہے اپ کو لوگوں کا بہت خوب

جی ہاں مجھے انسانوں سے بہت محبت ہے - اور میرا پہلا مذہب انسانیت ہی ہے -

 

[امین شارق]

اچھی غزل ہے

کوئی عشق میں مجُھ سے افزوں نہ نکلا
کبھی سامنے ہو کے مجنوں نہ نکلا

بڑا شور سنتے تھے پہلو میں دل کا
جو چیرا تو اِک قطرہء خوں نہ نکلا