ولی دکنی کماں ابرو پہ جیو قرباں ہوا ہے

[حسان خان]

کماں ابرو پہ جیو قرباں ہوا ہے​

دل اس کے تیر کا پیکاں ہوا ہے​

​

بھواں تیغ و پلک، خنجر، نگہ، تیر​

یو کس کے قتل کا ساماں ہوا ہے​

​

مرا دل مجھ سوں کر کر بے وفائی​

پسندِ خاطرِ خوباں ہوا ہے​

​

پیا ہے جامِ دل سوں بادهٔ خوں​

جو بزمِ عشق میں مہماں ہوا ہے​

​

عزیزاں کیا ہے پروانے کے دل میں​

کہ جی دینا اُسے آساں ہوا ہے​

​

طبیباں کا نئیں محتاج ہرگز​

جسے دردِ بتاں درماں ہوا ہے​

​

برنگِ گل فراقِ گل رخاں میں​

گریباں چاک تا داماں ہوا ہے​

​

سوادِ خطِّ خوباں دل کشی میں​

بہارِ گلشنِ ریحاں ہوا ہے​

​

ولی تصویر اس کی جن نے دیکھا​

مثالِ آرسی حیراں ہوا ہے​

(ولی دکنی)​

 

[نبیل]

کیا خوب غزل ہے۔ پیش کرنے کا شکریہ۔
پہلی نظر میں یوں لگا جیسے جیو چینل کے کسی پر قربان ہونے کا ذکر کیا جا رہا ہے۔

 

[طارق شاہ]

کماں ابرو پہ جیو قرباں ہوا ہے​

دل اس کے تیر کا پیکاں ہوا ہے​

​

بھواں تیغ و پلک، خنجر، نگہ، تیر​

یو کس کے قتل کا ساماں ہوا ہے​

​

مرا دل مجھ سوں کر کر بے وفائی​

پسندِ خاطرِ خوباں ہوا ہے​

​

پیا ہے جامِ دل سوں بادهٔ خوں​

جو بزمِ عشق میں مہماں ہوا ہے​

​

عزیزاں کیا ہے پروانے کے دل میں​

کہ جی دینا اُسے آساں ہوا ہے​

​

طبیباں کا نئیں محتاج ہرگز​

جسے دردِ بتاں درماں ہوا ہے​

​

برنگِ گل فراقِ گل رخاں میں​

گریباں چاک تا داماں ہوا ہے​

​

سوادِ خطِّ خوباں دل کشی میں​

بہارِ گلشنِ ریحاں ہوا ہے​

​

ولی تصویر اس کی جن نے دیکھا​

مثالِ آرسی حیراں ہوا ہے​

(ولی دکنی)​

اس زمانے کی اردو اور آج کے اردو میں تغیر کے باوجود، ایسی غزلیں اپنا الگ مقام اورعجب چاشنی رکھتی ہیں
پیش کرنے کے لئے تشکّر
بہت خوش رہیں
۔۔۔۔۔۔۔۔۔۔۔۔۔۔
سہل اردو میں کچھ یوں، کہ !

کماں ابرُو پہ یوں قرباں ہوا ہے
دل اُس کے تیر کا پیکاں ہوا ہے

بھنویں تیغ و پلک خنجر، نگہ تیر
یوں کِس کے قتل کا ساماں ہوا ہے

مِرا دل مجھ سے کر کے بے وفائی
پسندِ خاطرِ خوباں ہوا ہے

پیا ہے جامِ دل سے بادهٔ خُوں
جو بزمِ عشق میں مہماں ہوا ہے

ہے کیسی چاہ پروانے کے دل میں
کہ جاں دینا اُسے آساں ہوا ہے

طبیبوں کا نہیں محتاج ہرگز!
جسے دردِ بتاں، درماں ہوا ہے

برنگِ گُل، فراقِ گُل رُخاں میں
گریباں چاک تا داماں ہوا ہے

سوادِ خطِّ خوباں، دل کشی میں
بہارِ گلشنِ ریحاں ہوا ہے

ولی تصویر اُس کی جس نے دیکھی
مثالِ آئنہ حیراں ہوا ہے
(ولی دکنی)