حزیں صدیقی کسی نے بھُول کے دیکھا نہ آنکھ اٹھا کے مجھے

[مہ جبین]

کسی نے بھُول کے دیکھا نہ آنکھ اٹھا کے مجھے​

سجا گئے وہ کہاں آئینہ بنا کے مجھے​

​

نسیمِ صبح کا یہ لمس ہو نہیں سکتا​

نظر بھی آؤ کہاں چھپ گئے جگا کے مجھے​

​

ستم ظریفیء صورت گرِ بہار نہ پوچھ​

بساطِ رنگ اُلٹ دی جھلک دکھا کے مجھے​

​

اُدھر سے تیر جو آئے سجا لئے دل میں​

نگاہِ ناز پشیماں ہے آزما کے مجھے​

​

حزیں صدیقی​

 

[محمد بلال اعظم]

بہت خوب غزل ہے۔
میرا خیال ہے کہ اسی زمین میں فراز نے بھی ایک غزل کہی ہے۔
پیام آئے ہیں اس یارِ بے وفا کے مجھے

 

[کاشفی]

اُدھر سے تیر جو آئے سجا لئے دل میں ​

نگاہِ ناز پشیماں ہے آزما کے مجھے​

​

عمدہ بہت ہی عمدہ!​

​