کریلا ۔۔۔ حکیم محمد رمضان اطہر

[عندلیب]

کریلا
مہمانوں کی جان کریلا
گھر والوں کی شان کریلا
بچہ بوڑھا ہراک چاہے
ہردل کا ارمان کریلا
ہر سبزی ہے رعیت اس کی
ہے گویا سلطان کریلا
ہریالی اس کا پہناوا
دلکش، عالی شان کریلا
سردی کے امراض کو روکے
ذلت کا سامان کریلا
گاجر گھر کی عزت ہے تو
ہے مرد میدان کریلا
ہمت دیکھو، تنہا روکے
بادی کا طوفان کریلا
شوگر سے چھٹکارا پائے
جو کھائے انسان کریلا
فالج، نقرس، وجع مفاصل
سب کا دشمن جان کریلا
قاتل دیداں، مسہل بلغم
صحت شفا کی کان کریلا
اطہرطیب پاکیزہ ہے
میرے رب کی شان کریلا​

حکیم محمدرمضان اطہر۔​

 

[شمشاد]

واہ واہ مزہ آ گیا کریلے کا۔

اگرچہ اچھی بات تو نہیں لیکن پھر بھی اسکول کی زندگی میں طلباء ہر ماسٹر اور ہر استانی کا ایک نام رکھ لیتے ہیں۔ تو ہمارے اسکول میں بھی ڈرائینگ کے ایک استاد تھے جن کا نام کریلا پڑ گیا تھا۔ عنوان دیکھ کر میرے ذہن میں فوراً وہی ماسٹر صاحب آ گئے تھے۔

 

[محمود احمد غزنوی]

نیم پہ وہ جو چڑھا ہوا ہے
اسکا ہی ہے نام کریلا​

 

[تیشہ]

واہ واہ مزہ آ گیا کریلے کا۔

اگرچہ اچھی بات تو نہیں لیکن پھر بھی اسکول کی زندگی میں طلباء ہر ماسٹر اور ہر استانی کا ایک نام رکھ لیتے ہیں۔ تو ہمارے اسکول میں بھی ڈرائینگ کے ایک استاد تھے جن کا نام کریلا پڑ گیا تھا۔ عنوان دیکھ کر میرے ذہن میں فوراً وہی ماسٹر صاحب آ گئے تھے۔

مجھے کل کے لئے کریلے قیمہ بنانا ہے ۔۔ مجھے یاد کرائیے گا کہیں بھول ہی نا جاؤں

 

[شمشاد]

تھوڑے زیادہ بنا لیجیے گا۔

 

[تیشہ]

تھوڑے زیادہ بنا لیجیے گا۔

کریلے قیمہ کینسل ہوا جناب،، ابھی بریانی بناکر نکل رہی ہوں کچن سے ،،، کریلے تھے ہی نہیں آج ۔

 

[شمشاد]

تو بریانی بھی تو میری پسندیدہ ہے۔ کریلے نہ سہی، بریانی ہی سہی۔

 

[ابن سعید]

واہ بھئی اس کریلے میں تو کڑواہٹ کا نام و نشان نہیں۔ میری پسندیدہ ترین سبزیوں میں سے ایک ہے۔