میر حسن کروں شکوہ تو بے وسواس میں اُس سے نہ آنے کا ۔ میر حسن

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏مئی 17, 2017

ٹیگ:
  1. فرخ منظور

    فرخ منظور لائبریرین

    مراسلے:
    12,827
    جھنڈا:
    Pakistan
    موڈ:
    Cold
    کروں شکوہ تو بے وسواس میں اُس سے نہ آنے کا
    نہ ہو دھڑکا مرے دل میں گر اُس کے روٹھ جانے کا

    وساطت سے کسی کی چھپ کے بھی چاہا نہ کچھ ورنہ
    کیا تھا ڈھب تو یاروں نے بہت اُس سے ملانے کا

    ترے پہلو سے اُٹھ جانے کا جتنا ہے الم ہم کو
    نہیں اتنا تو غم اپنے تئیں دل کے بھی جانے کا

    مجھے آتا ہے رونا دیکھ کر زانو کو اب اپنے
    کہ تھا اک وقت میں تکیہ کسی کے یہ سرہانے کا

    رقیبِ رو سیہ کی بات پر مت گوش رکھیو تو
    کیا ہے فکر اِس نے میرے اور تیرے لڑانے کا

    (ق)
    حسنؔ تو ہر کسی سے حالِ دل کہتا پھرے ہے کیوں
    عبث بدنام ہو گا اور نہیں کچھ اِس میں پانے کا

    ملامت ہی کریں گے اور اُلٹی تجھ کو ہنس ہنس کر
    کوئی احوال پر تیرے نہیں افسوس کھانے کا

    (میر حسنؔ)
     

اس صفحے کی تشہیر