واصف کب اُڑا لے گئی ہوا مت پوچھ

[عتیق منہاس]

کب اُڑا لے گئی ہوا مت پوچھ
چار تنکوں کا ماجرا مت پوچھ
انتہا دیکھ چشمِ عبرت کی
اِس فسانے کی ابتدا مت پوچھ
تُو نے جو کچھ کہا تجھے معلوم
میں نے دنیا سے کیا سنا مت پوچھ
دے ذرا اپنے حافظے پہ زور
مجھ سے میرا اتا پتا مت پوچھ
ابھی تقدیر کی لکیریں پڑھ
کیا کریں گے وہ فیصلہ مت پوچھ
پوچھ مجھ سے رموزِ مرگِ حیات
ہاں مگر حرفِ مدعا مت پوچھ
بے گناہی بھی جرم ہے واصف
اور اِس کی سزا مت پوچھ

واصف علی واصف

 

[طارق شاہ]

اس بہت خوب انتخاب پر بہت سی داد قبول کریں
تشکّر شیئر کرنے پر
بہت خوش رہیں

 

[قیصرانی]

عمدہ شئیرنگ ہے

 

[نایاب]

بہت اعلی شراکت
بہت شکریہ

 

[عتیق منہاس]

 

[عتیق منہاس]

شکریہ قیصرانی صاحب اور محترمہ نایاب

 

[قیصرانی]

بہت خوب۔ اگر یونی کوڈ میں لکھ دیں تو بہت آسانی ہو جائے گی اسے چرانے میں

 

[عتیق منہاس]

قیصرانی بھائی یونی کوڈ میں پہلے پیش کیا
ذرا اوپر دیکھیئے

 

[قیصرانی]

قیصرانی بھائی یونی کوڈ میں پہلے پیش کیا
ذرا اوپر دیکھیئے

جی بالکل، بعد میں یاد آیا۔ دراصل باس کی موجودگی بھی عذاب ہے کہ بندہ آرام سے محفل بھی نہیں دیکھ سکتا

 

[عتیق منہاس]

ہاہاہا باس کو کچھ دے دلا لیں نا

 

[قیصرانی]

ہاہاہا باس کو کچھ دے دلا لیں نا

اگر باس کو اردو آتی ہوتی تو محفل کا چکر لگوا دیتا اور معاملہ ختم ہو جاتا

 

[عتیق منہاس]

تو پھر انہیں اپنی معیت میں کیفے کا چکر لگوایا کریں

 

[قیصرانی]

تو پھر انہیں اپنی معیت میں کیفے کا چکر لگوایا کریں

ارادہ تو بہت اچھا ہے آپ کا، لیکن مجھے خود کو الجھن ہوتی ہے کہ کہاں محترمہ کو تکلیف دیتا پھروں

 

[عتیق منہاس]

اوہو۔۔۔۔۔پھر تو بڑا گمبھیر مسئلہ ہے
اور ساتھ میں دال میں کچھ کالا ہونے کا بھی احتمال ہے

 

[مدیحہ گیلانی]

شکریہ قیصرانی صاحب اور محترمہ نایاب

عتیق صاحب! نایاب بھائی محترم ہیں محترمہ نہیں ۔

 

[عتیق منہاس]

مجھے تو وہ نام اور تصویر سے محترمہ ہی لگے

 

[محمداحمد]

بہت خوب اچھی غزل ہے۔

بے گناہی بھی جرم ہے واصف
اور اِس کی سزا مت پوچھ

مقطعے کے مصرعہ ثانی میں شاید کچھ کمی ہے۔

 

[مزمل حسین]

بہت خوب اچھی غزل ہے۔




مقطعے کے مصرعہ ثانی میں شاید کچھ کمی ہے۔

اور اس جرم کی سزا مت پوچھ
اب ٹھیک ہے