کبھی کبھی ہم سوچتے ہیں کہ۔۔۔ یہ رنگ کہاں سے آ جاتے ہیں ؟

الشفاء

لائبریرین


رَبَّنَا مَا خَلَقْتَ هَذَا بَاطِلاً
اے ہمارے رب! تو نے یہ (کارخانہ حیات) بے حکمت اور بے تدبیر نہیں بنایا۔۔۔
سورہ آل عمران


اگر کبھی ہم اپنے ارد گرد غور سے دیکھیں تو معلوم ہو گا کہ ہم رنگ و بو کی ایک زبردست کائنات میں بسے ہوئے ہیں۔۔۔ یہ دنیا ایک کینوس کی طرح ہے اور قدرت کے بنائے ہوئے اس پورٹریٹ پر بکھرے ہوئے جا بجا رنگ ہمیں دعوت فکر دے رہے ہیں۔۔۔ یا پھر یہ فطرت کا ایک سٹوڈیو ہے کہ جس میں ہر طرف رنگ و نور میں بسی ہوئی پینٹنگز رکھی ہیں۔ اور ہر ہر پینٹنگ ایسی پرفیکٹ ہے کہ انسان قدرت کی اس کاریگری میں کھو سا جاتا ہے۔۔۔



slide-12-728.jpg


slide-13-728.jpg



کبھی کبھی ہم سوچتے ہیں کہ یہ رنگ کہاں سے آ جاتے ہیں۔۔۔ پوری کائنات رنگوں سے بھری پڑی ہے۔ جس طرف نظر اٹھاؤ رنگ ہی رنگ ہیں۔۔۔ ہر طرف جمال بکھرا پڑا ہے۔۔۔ کوئی جمیل تو ضرور ہے کہ جس کے حسن کا پرتو اس کائنات کو منبع رنگ و نور بنائے ہوئے ہے۔۔۔ کوئی ایسا زبردست مصور ضرور ہے کہ جس کی مصوری میں کوئی جھول ہی نظر نہیں آتا۔ ہر ہر رنگ اپنی اپنی تصویر میں پوری طرح فٹ ہے۔ کوئی رنگ کسی جگہ بھدا نہیں لگتا۔ امیج مکسنگ غضب کی ہے۔ اور فریمز۔۔۔ اللہ اللہ۔۔۔۔ ایفیکٹس ایسے ہیں کہ نظر ہٹانے کو دل نہیں چاہتا۔۔۔

ایک شجر کو دیکھیں کہ ایک بے رنگ سا ننھا سا بیج ہم زمین میں دبا دیتے ہیں۔ پھر اس میں سے ایک خوبصورت نازک سی سبز رنگ کی کونپل نکل آتی ہے۔ سبحان اللہ۔ کیا یہ رنگ اس بیج میں ہم نے ڈالا تھا؟ پھر اس پر خوبصورت سبز پتے نکل آتے ہیں۔تنے کا رنگ تبدیل ہونے لگتا ہے۔ شاخوں پر مختلف رنگوں کی نئی کونپلیں کھلنے لگتی ہیں۔ پھر اودے ، نیلے پیلے، سرخ ، سفید ،جامنی پھول کھلنے لگتے ہیں حتٰی کہ ایک ہی پھول کی ایک ہی پنکھڑی مختلف رنگوں کی بہار دکھا رہی ہوتی ہے۔ اور اس ایک پنکھڑی پر مختلف رنگ اس تناسب سے لگے ہوتے ہیں کہ عقل حیران رہ جاتی ہے۔۔۔ کیا یہ سارے رنگ اس ننھے سے بے رنگ بیج میں ہم نے انجیکٹ کئے تھے؟؟؟ یہ کس زبردست ڈیزائنر کی ڈیزائننگ نے ہمیں چاروں طرف سے گھیر رکھا ہے۔۔۔


فتبارک اللہ احسن الخالقین۔۔۔

سبحان اللہ۔۔۔ اللہ جمیل ویحب الجمال۔۔۔
۔۔۔
 

نیرنگ خیال

لائبریرین
سبحان اللہ۔۔ بہت خوب تحریر

إِنَّ فِي خَلْقِ السَّمَاوَاتِ وَالْأَرْضِ وَاخْتِلاَفِ اللَّيْلِ وَالنَّهَارِ لَآيَاتٍ لِّأُوْلِي الْأَلْبَابِO الَّذِينَ يَذْكُرُونَ اللّهَ قِيَامًا وَقُعُودًا وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذَا بَاطِلاً سُبْحَانَكَ فَقِنَا عَذَابَ النَّارِO

(آل عمران، 3 : 190، 191)
 

x boy

محفلین
سُوۡرَةُ الرُّوم
فَسُبۡحَ۔ٰنَ ٱللَّهِ حِينَ تُمۡسُونَ وَحِينَ تُصۡبِحُونَ (١٧) وَلَهُ ٱلۡحَمۡدُ فِى ٱلسَّمَ۔ٰوَٲتِ وَٱلۡأَرۡضِ وَعَشِيًّ۬ا وَحِينَ تُظۡهِرُونَ (١٨) يُخۡرِجُ ٱلۡحَىَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَىِّ وَيُحۡىِ ٱلۡأَرۡضَ بَعۡدَ مَوۡتِہَا‌ۚ وَكَذَٲلِكَ تُخۡرَجُونَ (١٩)
Surah Al-Room
So glory be to Allah when ye enter the night and when ye enter the morning - (17) Unto Him be praise in the heavens and the earth! - and at the sun's decline and in the noonday. (18) He bringeth forth the living from the dead, and He bringeth forth the dead from the living, and He reviveth the earth after her death. And even so will ye be brought forth. (19)

سورة الرُّوم
تو جس وقت تم کو شام ہو اور جس وقت صبح ہو خدا کی تسبیح کرو (یعنی نماز پڑھو) (۱۷) اور آسمانوں اور زمین میں اُسی کی تعریف ہے۔ اور تیسرے پہر بھی اور جب دوپہر ہو (اُس وقت بھی نماز پڑھا کرو) (۱۸) وہی زندے کو مردے سے نکالتا اور (وہی) مردے کو زندے سے نکالتا ہے اور( وہی) زمین کو اس کے مرنے کے بعد زندہ کرتا ہے۔ اور اسی طرح تم (دوبارہ زمین میں سے) نکالے جاؤ گے (۱۹)
 
Top