ڈیجیٹل لائبریری کے لئے کتاب

سیدہ شگفتہ

لائبریرین


سرسید کی کہانی

ان کی اپنی زبانی


راوی

الطاف حسین حالی

السلام علیکم

مجھے یہ بات شیئر کرنے میں خوشی محسوس ہورہی ہے کہ میری جانب سے ڈیجیٹل لائبریری کے لئے یہ پہلی کتاب ہے جو کہ مکمل ہوچکی ہے ۔

کاپی رائٹ کے پیشِ نظر میں نے اس میں شامل دوباب (دوسرا اور دسواں ) اور آخری باب کے کچھ اقتباسات پوسٹ نہیں کئے۔ تاہم یہ احاطہ ٹائپنگ میں آچکے ہیں اور اگر یہ معلوم ہوجائے کہ یہ کتاب کاپی رائٹ کی قید سے آزاد ہوچکی ہے تو میں انہیں بلا تاخیر یہاں پوسٹ کردوں گی ۔ علاوہ ازیں میں نے یہاں ابتداء میں موضوع سخن ، پیش لفظ اور مقدمہ کے عنوان بھی شامل کئے ہیں لیکن ٹیکسٹ شامل نہیں کیا (اگرچہ یہ بھی ٹائپ ہوچکے ہیں) ۔ میں انہیں یہاں پوسٹ کرنے سے پہلے یہ جاننا چاہتی ہوں کہ آپ سب کی رائے میں کیا اِن کا پوسٹ کیا جانا اہم ہے یا نہیں ؟

کاپی رائٹ کے پیش نظر کم از کم یا زیادہ سے زیادہ کتنے ابواب یا حصہ پوسٹ کرنا مناسب ہوگا ؟ بالخصوص اگر کتاب ستر (70)، اسی (80) یا اس سے پہلے کی دہائیوں میں شایع کی گئی ہو اور بظاہر مارکیٹ میں دستیاب نہ ہو اور نہ ہی ان کے خریدار ؟

میں نے ساتھ ساتھ پروف ریڈنگ کی بھی چھوٹی سی کوشش کی ہے تاہم غلطیوں کا امکان باقی ہے ۔ اس حوالے سے میرا ایک اور سوال یہ بھی ہے کہ پروف ریڈنگ کے بارے میں تجاویز پیش کی جائیں ۔ شاید یہ سوال لائبریری کے زمرے میں کئے جائیں ۔

نبیل بھائی ، مہوش ، محب علوی ، رضوان صاحب ، اعجاز اختر صاحب ، شمشاد بھائی ، راجہ حریت ، دوست ، آپ سب کی حوصلہ افزائی مجھے اس دوران حاصل رہی ہے ۔ مہوش کی دعا ، نبیل بھائی کے صبروتحمل اور آپ سب کی حوصلہ افزائی بہت قیمتی ہے ، میں آپ سب کی ممنون ہوں ۔ سرسید کی کہانی کی کچھ سطریں حمزہ نے بھی ٹائپ کی ہیں سو میں حمزہ کی بھی شکر گذار ہوں اگرچہ وہ پچھلے تین دن سے مجھ سے ناراض ہے کہ میں اسے اس کے دوستوں کے جوابات دینے کا موقع نہیں دے رہی :)

آپ سب کی تجاویز اور تنقید کو میں خوش آمدید کہوں گی ۔


شکریہ
 

الف نظامی

لائبریرین
نہایت مسرت ہوئی یہ سن کر کہ کتاب کا لکھنا پایہ تکمیل کو پہنچا۔ مبروک۔
آپ کی کتاب کی تکمیل بہتوں کے لیے باعثِ تحریک ہوگی۔ مستقبل میں مزید سنگِ میل آپ کا انتظار کررہے ہیں۔
ایک بار پھر بہت مبارک اور شکریہ کہ آپ نے قارئیں محفل کی ادبی ضیافت کا اہتمام کیا۔
 
بہت بہت مبارک ہو شگفتہ اور واقعی اس کتاب کی تکمیل سے سب کو بہت حوصلہ ملے گا کہ کتابیں مکمل شکل میں اب میسر ہیں اور سب پہلے سے بڑھ چڑھ کر اس میں حصہ لیں گے۔ پروف ریڈنگ کا کام شروع کردیتے ہیں سب ہی مل کر اور کتاب کے مقدمہ تو ضرور شامل ہونا چاہیے۔ حمزہ انتہائی داد کا مستحق ہے کہ اتنی سی عمر میں اتنا بڑا کام کر دیا اس نے، اب اسے کھیلنے کا موقع بھی دینا ہے اور مجھے تو اس نے ڈرائنگ بھی دکھانی ہے :)
 

ماوراء

محفلین
شگفتہ، بہت خوب ! آپ جس شوق و لگن سے کام کر رہی ہیں وہ واقعی قابلِ تعریف ہے۔ اور اس کتاب کی تکمیل سے یقیناً سب کو بہت حوصلہ ہو گا۔
میں نے دیکھا ہے آپ نے ماشاءاللہ بہت اچھے انداز میں لکھا ہے۔ میں نے سارے باب تو نہیں لیکن کچھ باب ضرور پڑھے ہیں۔ اسی طرح اپنے اس شوق کو جاری رکھیئے ہماری دعائیں آپ کے ساتھ ہیں۔
:great:
 

رضوان

محفلین
اس پیغام سے پہلے میری نظر ،،ختم شد،، پر پڑی۔ ایک ناقابل بیان مسرت ہے۔ چند دن قبل کی تو بات ہے منصوبہ بن رہا تھا مختلف آراء آرہی تھیں پھر وش لسٹ آئی گویا بنیادوں کی کھدائی ہوئی کہ عمارت یوں ہوگی اور آج پہلی اینٹ نہیں بلکہ چوکھٹ یا صدر دروازہ سرسید کی کہانی کی شکل میں پایہ تکمیل کو پہنچا ہے۔ کیا یہ ایک اتفاقیہ عمل ہے کہ اردو محفل میں پہلی مکمل ہونے والی کتاب سرسید کی کہانی ہے۔ سر سید جن کی کاوشوں سے صحیح معنوں میں بریصغیر میں اردو سائنسی خطوط پر استوار ہوئی اور مسلمانانِ ہند کو منزل کے نشان نظر آنے لگے۔ علیگڑھ تعلیمی میدان اور ایک نئی تہزیب کا ہراول تھی تو یہ کتاب ڈیجیٹل لائبریری کا ہراول ثابت ھوگی یہ بارش کا وہ پہلا قطرہ ہے جو کتنے ہی پیاسے ذہنوں کو سیراب کرے گا۔
سیدہ شگفتہ کے لیے سر سید ہی کی ایک نظم یاد آ رہی ہے۔
ع۔۔میں چھوٹا سا ایک لڑکا ہوں پر کام کروں گا بڑے بڑے
( مسکرائیے مت! سرسید کو کیا خبر تھی کہ کوئی لڑکی بھی یہ بڑے بڑے کام کر سکتی ہے۔ )
آپ کی مہمیز سے دیکھیے کیا بہار آرہی ہے ایک غلغلہ سا بلند ہے کئی کتابیں چل رہی ہیں بس اسی طرح ہمت بڑھاتی رہیے۔ سدا جئیں اور خوش رہیں
 

نبیل

تکنیکی معاون
السلام علیکم شگفتہ بہن اور بہت بہت مبارک ہو آپ کو اس برقی ذخیرہ کتب کی پہلی کتاب مکمل کرنے پر۔ شکریہ تو ہمیں آپ کا ادا کرنا چاہیے کہ آپ نے اس پراجیکٹ میں نئی جان ڈالی اور آپ سے انسپائرڈ ہو کر باقی اتنے دوستوں نے بھی اس کام میں حصہ ڈالنا شروع کر دیا ہے۔ مجھے آج صحیح معنوں میں اس بورڈ کے پہلی مرتبہ کامیابی سے سیٹ اپ ہونے کے بعد دوبارہ اتنی خوشی ہوئی ہے۔

شگفتہ بہن کی کاوش کے نتیجے میں جہاں دوسری کتابوں پر کام شروع ہوا ہے، وہاں میں اس کے تکنیکی پہلو پر توجہ مرکوز کیے ہوئے ہوں۔ ہم سب اس ایشو پر متفق ہیں کہ اس پراجیکٹ پر collaborative work کے لیے فورم پر پوسٹ کا نظام کچھ ناکافی سا ہے۔ اسی لیے میں فورم میں وکی پیڈیا کی انٹگریشن پر کام کر رہا ہوں اور آپ کو یہ سن کر خوشی ہو گی کہ مجھے اس سمت میں اہم بریک تھرو بھی ملا ہے۔ ابھی بھی یہ کام تجرباتی مرحلے میں ہے۔ یہ دو مختلف سوفٹویر یعنی phpbb اور WikkaWiki کو انٹگریٹ کرنے کا کام ہے اور کافی پیچیدہ ہے۔ میں امید کرتا ہوں کہ آپ کو جلد اچھی خبر سننے کو ملے گی۔
 

مہوش علی

لائبریرین
ماشاء اللہ سیدہ سسٹر۔ ۔۔۔۔ دل کی گہرائی سے آپ کے لیے وہ دعا نکلی ہے،
جو بقول اقبال پَر نہیں رکھتی، مگر پھر بھی طاقت پرواز ضرور رکھتی ہے۔ اللہ آپ کو خوش و آباد رکھے۔

آپ کے ایک سوال پر کسی نے ابھی تک روشنی نہیں ڈالی ہے، اور وہ یہ کہ اس کتاب کے کاپی رائیٹ کی کیا پوزیشن ہے۔ چنانچہ احباب سے گذارش ہے کہ وہ اس سوال کا جواب دیں۔

جہاں تک مجھے علم ہے، اگر کاپی رائیٹ مصنف کے نام ہیں، اور اُسے مرے ہوئے پانچ سال کا عرصہ بیت جائے، تو پھر کتاب کاپی رائیٹ سے آزاد ہو جاتی ہے۔ لیکن اگر کاپی رائیٹ ناشر کے نام ہوں، تو پھر اس سلسلے میں مجھے علم نہیں۔

والسلام۔
 
جواب

مجھے تو اتنا پتہ ہے کہ کتاب کی اشاعت کے پچاس سال بعد کتاب ایک قومی اثاثہ بن جاتی ہے۔ اور اسے ہر کوئی شائع کروا سکتا ہے۔ اور یہی دیکھنے میں‌بھی آیا ہے۔ خیر ڈیجیٹل لائبریری میں پہلی کتاب کی تکمیل پر مبارکباد۔ پہلی اینٹ رکھ دی گئی ہے۔ اب عمارت انشاء اللہ تعمیر کے مراحل سے گزرنے کے لیے تیار ہے۔
 
کاپی رائٹ پر دوست احباب کافی پریشاں نظر آتے ہیں۔ میرا خیال ہے اتنی پریشانی کی بات نہیں ہے جتنا ہم پریشاں ہو رہے ہیں۔ :lol:

سب سے پہلے تو کتاب اگر مکمل کتاب کی شکل میں ہوگی تو کاپی رائٹ ایکٹ کی خلاف ورزی ہو گی اور اس کے لیے بھی پاکستان اور دیگر ممالک کے کاپی رائٹ ایکٹ کو دیکھنا ہوگا۔ نیٹ پر کتاب کا اصل کتاب کا نعم البدل نہ تھی نہ ہے اور نہ ہوگی۔ اس لیے اس پر اس طرح سے کاپی رائٹ ایکٹ کی خلاف ورزی کا تو امکان ہے ہی نہیں جیسے اصل کتاب کو بغیر اجازت کے چھاپنا۔ ہم اگر کتاب کو ٹکڑوں میں رکھیں تو ویسے ہی اس میں اتنے قانونی سقم پیدا ہو جائیں گے کہ باآسانی اس پر ایک طویل مقدمہ لڑا جا سکتا ہے :lol: (اگر نیپسٹر اور کازا(kaaza) تنِ تنہا ڈھیر ساری بھاری بھرکم میوزک کمپنیوں سے طویل جنگ لڑ سکتے ہیں تو ہم بھی اس میدان میں ایک لمبی لڑائی لڑ سکتے ہیں ، ویسے اس کا امکان انتہائی کم ہے۔ مجھے نہیں یاد پڑتا کہ پاکستان میں کبھی یہ سنجیدہ مسئلہ رہا ہو ۔ مائیکروسافٹ اور دیگر جناتی سافٹ وئیر کمپنیاں آج تک اس معاملے میں بےبس نظر آرہی ہیں تو چند ناشر اور وہ بھی اردو کتابوں کے اتنی تگ ودو اور عمدہ طریقے سے کیس نہیں لڑ سکیں گے کہ وہ ان کتابوں کی الیکٹرانک اشاعت میں رکاوٹ‌ڈال سکیں۔

مزید تسلی کے لیے میں پاکستان جا کر اپنے دوست فیصل اقبال جو ہائی کورٹ کا وکیل ہے اس مسئلہ پر تسلی بخش گفتگو کرکے آؤں گا اور ان قانونی پیچیدگیوں سے مطلع کروں گا جن کی وجہ سے یہ قانون یہاں لاگو نہیں ہوسکے گا۔

کاپی رائٹ انٹر نیٹ پر نافذ کرنا اتنا ہی کٹھن ہے جتنا جفا پرست محبوب کو وفا پرست بنانا ( لاکھ کوشش کریں جفائیں کسی نہ کسی رنگ میں جھلک ہی آئیں گی) :)
 

دوست

محفلین
میرے منہ سے نوالہ چھین لینے والی بات کی ہے آپ نے۔
میں ارادہ کر رہا تھا کہ یہ ڈھیر سار ی تعریفیں سن کر پھولا نہیں سماؤں‌گا اندر سے خوش اور اوپر سے انکساری دکھاؤں‌گا مگر یہ سب دھرے کا دھر رہ گیا۔
بہت بہت مبارک باد کتاب مکمل کرنے پر ۔ اور بے دھڑک مکمل کرکے بھیجیں‌ کاپی رائٹ کون دیکھتا ہے۔
میں‌نے بھی نہیں‌ دیکھا تو بات یہ ہے کہ فردوس بریں‌بھی مکمل ہوگئی ہے اور نظر ثانی کی منتظر ہے۔۔۔
 

نبیل

تکنیکی معاون
لو جی یک نہ شد دو شد۔ شاکر آپ کو بھی بہت مبارک ہو۔ یہ پراجیکٹ آپ ہی کی تحریک پر شروع کیا تھا اور الحمداللہ اب اس نے خاصا مومینٹم پکڑ لیا ہے۔ انشاءاللہ اب یہ کام اسی رفتار سے جاری رہے گا اور مزید لوگ اس کام میں شامل ہوتے رہیں گے۔
 

زیک

مسافر
زبردست کام کیا ہے شگفتہ اور شاکر آپ نے۔

جہاں تک کاپی‌رائٹ کا تعلق ہے میں محب اور دوست سے متفق نہیں ہوں۔ میرے خیال سے ہمیں کاپی‌رائٹ کا خیال رکھنا چاہیئے خاص طور پر ایسی کتابوں کا جنہیں چھپے زیادہ عرصہ نہیں ہوا یا جن کے مصنف تاحیات ہیں۔ اور میری رائے اس لئے بھی دوسروں سے بھاری ہے کہ اردوویب کی رجسٹریشن میرے نام ہے۔ :)

کاپی‌رائٹ پر مزید گفتگو اس ربط پر کریں۔
 

مہوش علی

لائبریرین
دوست نے کہا:
میرے منہ سے نوالہ چھین لینے والی بات کی ہے آپ نے۔
میں ارادہ کر رہا تھا کہ یہ ڈھیر سار ی تعریفیں سن کر پھولا نہیں سماؤں‌گا اندر سے خوش اور اوپر سے انکساری دکھاؤں‌گا مگر یہ سب دھرے کا دھر رہ گیا۔
بہت بہت مبارک باد کتاب مکمل کرنے پر ۔ اور بے دھڑک مکمل کرکے بھیجیں‌ کاپی رائٹ کون دیکھتا ہے۔
میں‌نے بھی نہیں‌ دیکھا تو بات یہ ہے کہ فردوس بریں‌بھی مکمل ہوگئی ہے اور نظر ثانی کی منتظر ہے۔۔۔

:) شاکر جی، آپ کی تو منافقت میں بھی بہت پیارا رنگ بھرا ہوا ہے۔ :) میری طرف سے آپ کو ایسی منافقت دکھانے کی پوری آزادی ہے۔

اور فردوس بریں مکمل کرنے پر آپ کو مبارکباد۔ اس ڈیجیٹل لائیبریری کا سنگ بنیاد آپ کے نام ہے، لہذا بعد میں آنے والے جتنا بھی اچھا کام کریں گے، اُن کے ثواب کا ایک حصہ آپ تک خود بخود پہنچتا رہے گا۔
 
محب علوی نے کہا:
کاپی رائٹ پر دوست احباب کافی پریشاں نظر آتے ہیں۔ میرا خیال ہے اتنی پریشانی کی بات نہیں ہے جتنا ہم پریشاں ہو رہے ہیں۔ :lol:

سب سے پہلے تو کتاب اگر مکمل کتاب کی شکل میں ہوگی تو کاپی رائٹ ایکٹ کی خلاف ورزی ہو گی اور اس کے لیے بھی پاکستان اور دیگر ممالک کے کاپی رائٹ ایکٹ کو دیکھنا ہوگا۔ نیٹ پر کتاب کا اصل کتاب کا نعم البدل نہ تھی نہ ہے اور نہ ہوگی۔ اس لیے اس پر اس طرح سے کاپی رائٹ ایکٹ کی خلاف ورزی کا تو امکان ہے ہی نہیں جیسے اصل کتاب کو بغیر اجازت کے چھاپنا۔ ہم اگر کتاب کو ٹکڑوں میں رکھیں تو ویسے ہی اس میں اتنے قانونی سقم پیدا ہو جائیں گے کہ باآسانی اس پر ایک طویل مقدمہ لڑا جا سکتا ہے :lol: (اگر نیپسٹر اور کازا(kaaza) تنِ تنہا ڈھیر ساری بھاری بھرکم میوزک کمپنیوں سے طویل جنگ لڑ سکتے ہیں تو ہم بھی اس میدان میں ایک لمبی لڑائی لڑ سکتے ہیں ، ویسے اس کا امکان انتہائی کم ہے۔ مجھے نہیں یاد پڑتا کہ پاکستان میں کبھی یہ سنجیدہ مسئلہ رہا ہو ۔ مائیکروسافٹ اور دیگر جناتی سافٹ وئیر کمپنیاں آج تک اس معاملے میں بےبس نظر آرہی ہیں تو چند ناشر اور وہ بھی اردو کتابوں کے اتنی تگ ودو اور عمدہ طریقے سے کیس نہیں لڑ سکیں گے کہ وہ ان کتابوں کی الیکٹرانک اشاعت میں رکاوٹ‌ڈال سکیں۔

مزید تسلی کے لیے میں پاکستان جا کر اپنے دوست فیصل اقبال جو ہائی کورٹ کا وکیل ہے اس مسئلہ پر تسلی بخش گفتگو کرکے آؤں گا اور ان قانونی پیچیدگیوں سے مطلع کروں گا جن کی وجہ سے یہ قانون یہاں لاگو نہیں ہوسکے گا۔

کاپی رائٹ انٹر نیٹ پر نافذ کرنا اتنا ہی کٹھن ہے جتنا جفا پرست محبوب کو وفا پرست بنانا ( لاکھ کوشش کریں جفائیں کسی نہ کسی رنگ میں جھلک ہی آئیں گی) :)
اپ سب کو مبارکباد۔ کاپی رائٹ کا مسئلہ اھم ہے اس کا حل قانون کے مطابق ہی ہونا چاہیے۔ پھر جس نے جگر مار کر لکھا ہے اور دل بڑا کر کر چھاپاہے اس کو پورا احترام اور کریڈٹ دینا چاہیے۔
 
شگفتہ آپ کے حوصلہ کو داد ہے۔
ورنہ ہے مشکل جوئے شیرکا لانا
بہرحال میری طرف سےمبارک باد قبول کیجئے اور امید ہے کہ آپ کا یہ پہلا پتھر سنگِ نشانِ راہ ہوگا۔
 
Top