ڈاٹ نیٹ اردو کنٹرولز لائبریری

نبیل نے 'اردو ایڈیٹر پراجیکٹ' کی ذیل میں اس موضوع کا آغاز کیا، ‏جون 21, 2006

  1. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    اردو ایڈیٹر پر کام کے دوران مجھے اس بات کا خیال آیا کہ کیوں نہ ڈاٹ نیٹ‌ کنٹرولز کی ایسی لائبریری بنائی جائے جس کے ذریعے اردو ڈیسک ٹاپ اپلیکیشنز بنانا آسان ہو جائے۔ اس کے بعد سے میں نے اس سمت میں کچھ پیشرفت کی ہے۔

    ویسے تو کسی کنٹرول کا اردو ورژن بنانا کوئی مشکل نہیں ہے۔ محض اس کی سمت تبدیل (RTL) کرنی پڑتی ہے اور اس کا فونٹ بدلنا پڑتا ہے۔ لیکن اصل چیلنچ ان کنٹرولز کے لیے ڈیزائن ٹائم سپورٹ فراہم کرنا ہوتا ہے اور مجھے یہاں ہی مشکلات پیش آ رہی ہیں۔ میں نے بعد از مشکل بسیار چند کنٹرولز کے لیے Text پراپرٹی کے لیے کسٹم پراپرٹی ایڈیٹر شامل کر دیا ہے لیکن اسکے بعد ListBox اور ComboBox کے آئٹمز کے لیے کسٹم پراپرٹی ایڈیٹر شامل کرنے میں مجھے کافی دشواری ہو رہی ہے۔ اگر ایک مرتبہ بنیادی کنٹرولز پر مشتمل ایک لائبریری تیار ہو جاتی ہے تو اس کے بعد اگلے مرحلے میں کمپلیکس کنٹرولز جیسے کہ TreeView اور ListView کا اردوورژن بھی تیار کرکے اس لائبریری میں شامل کیا جا سکے گا۔

    میرے خیال میں اردو کنٹرولز کی لائبریری ہمارے دوسرے پراجیکٹس کے لیے بھی کارآمد ثابت ہو سکتی ہے۔ اردو لغت کے سلسلے میں بھی ہر لفظ کی تفصیل ڈیٹا بیس میں علیحدہ سے شامل کرنے کی ضرورت پڑے گی۔ اس کے لیے بھی اردو کنٹرولز کی مدد سے ایک ڈیٹا بیس اپلیکیشن تیار کی جا سکتی ہے۔

    فی الحال تو اردو کنٹرولز لائبریری اس مرحلے پر نہیں پہنچی کہ اس ڈاؤنلوڈ پر رکھ دیا جائے۔ میں ذیل میں اس کی ایک تصویر شامل کر رہا ہوں۔
    [​IMG]

    اگر کوئی دوست اس لائبریری کی ڈیویلپمنٹ میں تعاون کرنا چاہتے ہیں وہ یہاں رابطہ کر سکتے ہیں۔
     
  2. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    نبیل بھائی، ڈاٹ نیٹ پر کام کبھی نہیں‌کیا۔ معذرت :(
    بےبی ہاتھی
     
  3. محب علوی

    محب علوی لائبریرین

    مراسلے:
    12,179
    جھنڈا:
    Pakistan
    موڈ:
    Bookworm
    نبیل اس سلسلے میں آگے کیا کرنے کا ارادہ ہے اور کس طرح اسے استعمال کرنے کا ارادہ ہے۔ میں جس دوست کے ساتھ مل کر کررہا تھا اردو ایڈیٹر پر اس کی آئی ڈی میں مسئلہ ہے ورنہ اب تک میں کوڈ رکھ چکا ہوتا۔ فائینڈ اور رپلیس کے کوڈ میں ذرا دقت آرہی تھی ، کاپی پیسٹ‌تو آسان ہے۔ میرا خیال ہے کہ یہ اکھٹا ہو جائے تو بہتر ہے ۔
     
  4. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    محب، میں اوپر اپنی پوسٹ میں بتا چکا ہوں کہ اردو کنٹرول لائبریری کے ذریعے ڈاٹ نیٹ‌ میں اردو اپلیکیشنز بنانا بے حد آسان ہوجائے گا لیکن ابھی ایک قابل استعمال کنٹرول لائبریری تک کافی کام باقی ہے۔ جس طرح اردو ویب پیڈ اور اردو اوپن پیڈ کے ذریعے اردو ویب اپلیکشنز بنانا آسان ہوا ہے، اسی طرح ڈیسک ٹاپ اپلیکشنز پروگرامنگ میں ایک اردو کنٹرولز لائبریری اہم کردار ادا کر سکتی ہے۔
     

اس صفحے کی تشہیر