چنے کی دال'چاول

[سارا]

پیاز ۔۔ ایک عدد
ٹماٹر ۔۔ ایک عدد
سبز مرچ ۔۔ ایک عدد
زیرہ ۔۔ 2 چائے کے چمچ (چند ثابت کالی مرچیں)
گرم مصالحہ ۔۔ 2 چائے کے چمچ (یا حسب ضرورت)
نمک ۔۔ (حسب ذائقہ) سرخ مرچ ۔۔۔ آدھا چائے کا چمچ
چنے کی دال ۔۔ 2 کپ
چاول۔۔ 4 کپ ۔۔۔
چنے کی دال کو ابال لیں(اتنا زیادہ نہیں ابالنا ہے تھوڑی کسر چھوڑنی ہے)
ایک پیاز کو آئل میں ڈال کر براؤن کر لیں۔۔ پھر اس کے اندر ایک ٹماٹر سبز مرچ اور خشک مصالحہ جات ڈالیں۔۔2 منٹ بھونیں اور چنے کی ابلی ہوئی دال ڈال دیں(اگر چاہیں تو ایک آلو بھی چھوٹے چھوٹے ٹکڑے کر کے ڈالا جا سکتا ہے)۔۔ جب مصالحہ صحیح تیار ہو جائے تو حسب ضرورت پانی ڈالیں(ہر کوئی اپنے حساب سے پانی ڈالتا ہے اس لیے) جب پانی کو ابال آجائے تو چاول ڈال دیں۔۔پانی خشک ہونے پر 20 سے 25 منٹ دم پر رکھیں۔۔دہی کے رائتے کے ساتھ نوش کریں۔۔

 

[ابن سعید]

جزاک اللہ سارا بیٹا۔

ترکیب سے ہی لگتا ہے کہ خوش ذائقہ ہوگا۔

 

[سارا]

ہمارے گھر سب کو ہی چاول بہت پسند ہے اور ہم مختلف طریقوں سے پکاتے رہتے ہیں اگر دن میں مرغی بنی ہے تو شام کو اس بچے ہوئے سالن میں چاول ڈال دئیے جائیں گے۔۔اسی طرح آلو گوشت ہو یا سبزی دن میں وہ سالن کھا لیں گے لیکن رات کے لیے اس میں چاول ڈال دیں گے۔۔۔ پرسوں ہم نے حلیم بنائی ہوئی تھی شام کو بھائی کہتے ہیں اس میں چاول ڈال دو۔۔

 

[ناعمہ]

ہمممممممم،میں بھی ٹرائی کروں گی۔