مومن چل پرے ہٹ مجھے نہ دکھلا مُنہ - مومن

[کاشفی]

غزل
(مومن خان مومن رحمتہ اللہ علیہ)

چل پرے ہٹ مجھے نہ دکھلا مُنہ
اے شبِ ہجر تیرا کالا مُنہ

بات پوری بھی مُنہ سے نکلی نہیں
آپ نے گالیوں پہ کھولا مُنہ

شبِ غم کا بیان کیا کیجئے
ہے بڑی بات اور چھوٹا مُنہ

جب کہا یار سے دکھا صورت
ہنس کے بولا کہ دیکھو اپنا مُنہ

پھر گئی آنکھ مثلِ قبلہ نما
جس طرف اُس صنم نے پھیرا مُنہ

سنگِ اسود نہیں ہے چشمِ بتاں
بوسہ مومن طلب کرے کیا مُنہ​

 

[محمد وارث]

لاجواب، شکریہ جناب شیئر کرنے کیلیے!

 

[فرخ منظور]

واہ بہت عمدہ شراکت ہے جناب کاشفی صاحب۔ اس غزل میں کچھ اشعار کم تھے۔ مکمل کر کے دوبارہ پوسٹ کر رہا ہوں۔

چل پرے ہٹ مجھے نہ دکھلا مُنہ
اے شبِ ہجر تیرا کالا مُنہ

آرزوئے نظّارہ تھی تُو نے
اتنی ہی بات پر چھپایا منہ

دشمنوں سے بگڑ گئی تو بھی
دیکھتے ہی مجھے بنایا منہ

بات پوری بھی مُنہ سے نکلی نہیں
آپ نے گالیوں پہ کھولا مُنہ

ہو گیا رازِ عشق بے پردہ
اس نے پردے سے جو نکالا منہ

شبِ غم کا بیان کیا کیجیے
ہے بڑی بات اور چھوٹا مُنہ

جب کہا یار سے دکھا صورت
ہنس کے بولا کہ دیکھو اپنا مُنہ

کس کو خونِ جگر پلائے گا
ساغرِ مے کو کیوں لگایا منہ

پھر گئی آنکھ مثلِ قبلہ نما
جس طرف اُس صنم نے پھیرا مُنہ

(ق)

گھر میں بیٹھے تھے کچھ اداس سے وہ
بولے بس دیکھتے ہی تیرا منہ

ہم بھی غمگین سے ہیں آج کہیں
صبح اٹھّے تھے دیکھ تیرا منہ

سنگِ اسود نہیں ہے چشمِ بتاں
بوسہ مومن طلب کرے کیا مُنہ

(مومن خان مومن)

 

[کاشفی]

بہت خوب سخنور صاحب۔۔غزل مکمل کرنے کے لیئے آپ کا بیحد شکریہ۔۔خوش رہیں

شمشاد صاحب، ظفری صاحب، محمد وارث صاحب اور پیاسا صحرا صاحب آپ تمام حضرات کا بھی بیحد شکریہ۔۔خوش رہیں

 

[ام نور العين]

بہت خوب ۔

ایک الجھن دور کر دیجیے ۔

سگِ اسود نہیں ہے چشمِ بتاں

اس مصرعے میں سگِ اسود ہے یا سنگِ اسود ؟

 

[ام نور العين]

مومن کے تعلق سے سنگ اسود (حجر اسود ) زیادہ بہتر لگتا ہے، ۔ باقی اہل علم ہی بتا سکتے ہیں ۔

 

[جیہ]

واقعی ہونا چاہئے تھا سنگ اسود یعنی حجر اسود۔

مگر سگ اسود سے بھی لیلے کا کالا مراد لیں تو کینچھ تان کے معنی پیدا کئے جا سکتے ہیں

 

[مدرس]

کیا کھینچا تانی ہے

 

[فرخ منظور]

بہت خوب ۔

ایک الجھن دور کر دیجیے ۔



اس مصرعے میں سگِ اسود ہے یا سنگِ اسود ؟

بہت شکریہ نشاندہی کے لئے۔ یہ سنگِ اسود ہی ہے۔ مجھ سے بھی وہی غلطی ہوئی جو کاشفی صاحب نے کی تھی۔ دراصل اضافی اشعار میں نے ٹائپ کئے اور باقی غزل کے لئے کاشفی صاحب کی ٹائپ کی ہوئی غزل کو ہی کاپی کیا۔ ایک بار پھر بہت شکریہ توجہ دلانے کے لئے۔

 

[کاشفی]

بہت شکریہ نشاندہی کے لئے۔ یہ سنگِ اسود ہی ہے۔ مجھ سے بھی وہی غلطی ہوئی جو کاشفی صاحب نے کی تھی۔ دراصل اضافی اشعار میں نے ٹائپ کئے اور باقی غزل کے لئے کاشفی صاحب کی ٹائپ کی ہوئی غزل کو ہی کاپی کیا۔ ایک بار پھر بہت شکریہ توجہ دلانے کے لئے۔

میں نے تو کوئی غلطی نہیں کی تھی۔۔ بس ہوگئی تھی خودبخود۔۔
شکریہ بیحد تصیح کے لیئے۔۔

 

[فرخ منظور]

میں نے تو کوئی غلطی نہیں کی تھی۔۔ بس ہوگئی تھی خودبخود۔۔
شکریہ بیحد تصیح کے لیئے۔۔

آپ کا بھی شکریہ تصحیح کرنے کے لئے۔

 

[عمران شناور]

خوبصورت کلام ہے۔ کاشفی صاحب اور سخنور صاحب شکریہ

 

[ام نور العين]

بہت شکریہ نشاندہی کے لئے۔ یہ سنگِ اسود ہی ہے۔ مجھ سے بھی وہی غلطی ہوئی جو کاشفی صاحب نے کی تھی۔ دراصل اضافی اشعار میں نے ٹائپ کئے اور باقی غزل کے لئے کاشفی صاحب کی ٹائپ کی ہوئی غزل کو ہی کاپی کیا۔ ایک بار پھر بہت شکریہ توجہ دلانے کے لئے۔

میں نے تو کوئی غلطی نہیں کی تھی۔۔ بس ہوگئی تھی خودبخود۔۔
شکریہ بیحد تصیح کے لیئے۔۔

شکریے کی کوئی بات نہیں ۔تصحیح کیا، میں تو خود طالبہ ہوں ۔ آپ لوگوں کا شکریہ کہ مومن کا اچھا کلام پڑھنے کو ملا ، جو کہ کم کم ہی ملتا ہے ۔
وجہ تو ادیب ہی بہتر بتا سکتے ہیں ۔ہم تو ادب کے بے قاعدہ قاری ہیں ۔

 

[شاہ حسین]

اچھا انتخاب ہے جناب کاشفی صاحب ۔
جناب سخنور صاحب مکمل کلام شامل کرنے کا شکریہ ۔

 

[کاشفی]

اچھا انتخاب ہے جناب کاشفی صاحب ۔
جناب سخنور صاحب مکمل کلام شامل کرنے کا شکریہ ۔

شکریہ شاہ حسین صاحب!