پی ڈی ایف فائل میں فہرستِ مضامین کس طرح بنائی/ شامل کی جاتی ہے؟

میں مختلف سائٹوں سے اکثر کتابیں ، رسائل وغیرہ پی ڈی ایف فارمیٹ میں ڈاون لوڈ کرتا رہتاہوں ۔

ان میں سے کچھ کتابیں ایسی ہوتی ہیں کہ اس کے بائیں سائیڈ پر ایک فہرستِ مضامین لگی ہوتی ہے جو انگریزی یا عربی میں بنی ہوتی ہے ۔جس پر آپ کلک کریں گے تو مطلوبہ صفحہ پر آپ فورا پہنچ جائیں گے۔

البتہ مجھے اردو کی پی ڈی ایف کتابوں میں ایسی فہرست بہت کم نظر آئی ہے ۔

کیا کسی بھائی کو اس کا طریقہ آتا ہے جو میری راہنمائی کرے ۔

خیال رہے کہ میں پی ڈی ایف فائل بنانے کا طریقہ نہیں پوچھ رہا کیونکہ وہ مائیکروسافٹ آفس 2007 اور مائیکروسافٹ آفس 2010 کورل ڈرا اور دیگر پی ڈی ایف رائٹر پروگراموں میں باسانی بن سکتا ہے ۔

میں صرف فہرستِ مضامین بنانے کے بارے میں راہنمائی چاہتا ہوں۔

بطورِ نمونہ یہ فائل ڈاونلوڈ کریں ۔

Routledge Encyclopedia of Translation Studies

ایڈوب ایکروبیٹ ریڈر میں کھولنے کے بعد بائیں طرف دو چھوٹے چھوٹے آئیکن نظر آئیں گے ۔

یہ دونوں آئیکن ایسے نظر آتے ہیں جیسے کسی نے دو صفحات اوپر نیچے رکھے ہوں ۔

نیچے والے آئیکن پر کلک کریں ۔آپ کے سامنے ایک بار کھل جائے گا جس میں اس کتاب کی مکمل فہرست نظر آئے گی ،

جس پرکلک کرنے سے آپ مطلوبہ موضوع تک فورا پہنچ جائیں گے۔

ایک فورم پر ایک بھائی نے بتایا کہ یہ ایچ ٹی ایم ایل میں بنتی ہے اور کسی اور نے بتایا کہ یہ ایڈوب اکروبیٹ ریڈر میں ۔

ایچ ٹی ایم ایل کی جھنجھٹ میں پڑے بغیر کوئی آسان طریقہ کسی کو معلوم ہو تو میری راہنمائی کرے۔ جزاک اللہ
 

فاتح

لائبریرین
آپ "ٹیبل آف کانینٹس / فہرستِ مضامین" اور بک مارکس" کو گڈ مڈ کر رہے ہیں۔ اگر آپ کا مقصد "فہرستِ مضامین بنانا ہے تو وہ مائکرو سافٹ ورڈ میں با سہولت بنائی جا سکتی ہے اور ایم ایس آفس 2007 کے مفت "سیو ایز پی ڈی ایف" نامی ایڈ آن سے پی ڈی ایف فائل کے طور پر محفوظ کریں تو خود بخود فہرستِ مضامین بھی روابط کے ساتھ محفوظ ہو جاتی ہے لیکن یہ بائیں جانب نہیں بلکہ پہلے یا دوسرے صفحہ پر (جہاں بھی آپ نے ایم ایس ورڈ میں فہرست بنائی تھی) ظاہر ہوتی ہے۔
اب آتے ہیں نمونہ فائل کی جانب اور اس سے یہ ظاہر ہو رہا ہے کہ آپ بک مارکس بنانا چاہ رہے ہیں۔ بک مارکس ڈالنے کی سہولت تقریباً تمام اچھے پی ڈی ایف ساز، بشمول ایکروبیٹ، دیتے ہیں۔ ہاں ہر پروگرام میں اس کا طریقہ قدرے مختلف ہو سکتا ہے۔ ذیل میں چند مشہور پی ڈی ایف ساز پروگراموں کے ذریعے بک مارکس ڈالنے کے طریقوں کے روابط دے رہا ہوں۔ آپ اپنے من پسند پروگرام کا ربط کھول کر پڑھ لیجیے۔
ایکروبیٹ پروفیشنل کے ذریعے بک مارکس شامل کرنا
ایکروبیٹ پروفیشنل کے ذریعے بک مارکس شامل کرنا (ehow.com)
نائٹرو پی ڈی ایف پروفیشنل کے ذریعے بک مارکس شامل کرنا
نووا پی ڈی ایف کے ذریعے بک مارکس شامل کرنا

امید ہے آپ کا مسئلہ حل ہو گیا ہوگا۔
 
Top