آپ کے پسندیدہ اشعار!

[فرقان احمد]

گزرہی جائیں گے ایّام ہجرتوں کے خلِش !
خیال وخواب اُسی حُسنِ بے مثال کے رکھ

شفیق خلش

 

[فرقان احمد]

چھوڑ آیا تھا میز پر چائے
یہ جدائی کا استعارہ تھا !

شاعر: نامعلوم

 

[فہد اشرف]

ہے مجھ کو تجھ سے تذکرۂ غیر کا گلہ
ہر چند بر سبیلِ شکایت ہی کیوں نہ ہو
غالب

 

[لاریب مرزا]

ہم نے دریا سے سیکھی ہے پانی کی پردہ داری
اوپر اوپر ہنستے رہنا، گہرائی میں رو لینا

(بشیر بدر)

 

[فرقان احمد]

جی جلاتا ہوں اور سوچتا ہوں
رائیگاں یہ ہنر نہ جائے کہیں

(ناصر کاظمی)

 

[showbee]

آپ بس مجھ میں ہی تو ہیں
سو آپ میرا بےحد خیال کیجیے گا
(جون ایلیا)

 

[سردار محمد نعیم]

ان کے دیکھے سے جو آ جاتی ہے منہ پر رونق
وہ سمجھتے ہیں کہ بیمار کا حال اچھا ہے
مرزا غالب

 

[لاریب مرزا]

بستی ہو فقیروں کی کہ عِشرت گہِ کِسریٰ
بُجھتی ہُوئی شمعوں کا دُھؤاں سب کے لئے ہے

(مصطفی زیدی)

 

[سردار محمد نعیم]

آئے بھی لوگ بیٹھے بھی اٹھ بھی کھڑے ہوئے
میں جا ہی ڈھونڈتا تری محفل میں رہ گیا
حیدر علی آتش

 

[محمد عدنان اکبری نقیبی]

راحتیں لاکھ میسر ہوں قفس میں کیفی
دل کو ڈستا ہی رہے گا غمِ زنداں پھر بھی
زکی کیفی

 

[زارا آریان]

ذرا دیکھے تو کوئی پارسائی بادہ نوشوں کی
میانِ مے کدہ یادِ خدا کرنے کو بیٹھے ہیں

✍ منور لکھنوی ( منشی بشیشور پرساد )
لکھنؤ | ۱۸۹۷ – ۱۹۷۰

 

[فہد اشرف]

ہر لحظہ نیا طور ، نئی برق تجلی
اللہ کرے مرحلۂ شوق نہ ہو طے
علامہ اقبال

 

[عبید انصاری]

مجھے آہ وفغان نیم شب کا پھر پیام آیا
تھم اے رہرو کہ شاید پھر کوئی مشکل مقام آیا
علامہ محمد اقبال

 

[فہد اشرف]

ہر روز جو سمجھانے چلے آتے ہو ناصح
میں پوچھتا ہوں تم مجھے سمجھے ہوئے کیا ہو
حفیظ جالندھری

 

[عبد الرحمٰن]

سفر تو زندگی بھر کا ہے لیکن
یہ وقفہ سا ذرا اچھا لگا ہے

شارق کیفی .

 

[عبد الرحمٰن]

تجھے کیا بتاؤں میں بے خبر کہ ہے درد عشق میں کیا اثر
یہ ہے وہ لطیف سی کیفیت جو زباں تک آئے ادا نہ ہو
کیف اکرامی

 

[سردار محمد نعیم]

کل نصیر اک جام کا ملنا ہمیں دشوار تھا
آج آنکھوں میں لیے بیٹھے ہیں اک مے خانہ ہم
پیر نصیر الدین نصیر

 

[فہد اشرف]

کل نصیر اک جام کا ملنا ہمیں دشوار تھا
آج آنکھوں میں لیے بیٹھے ہیں اک مہ خانہ ہم
پیر نصیر الدین نصیر

مے خانہ

 

[عبد الرحمٰن]

وہ کرے بات تو ہر لفظ سے خوشبو آئے
ایسی بولی وہی بولے جسے اردو آئے
احمد وصی

 

[فرقان احمد]

توڑ کر عہدِ کرم نا آشنا ہو جائیے
بندہ پرور جائیے، اچھا، خفا ہو جائیے!

میرے عُذرِ جُرم پر مطلق نہ کیجیے اِلتفات
بلکہ پہلے سے بھی بڑھ کر کج ادا ہو جائیے!

شاعر: حسرت موہانی