طارق شاہ
محفلین
غزل
کل جو دِیوار گِراتا ہُوا طوُفاں نِکلا
پائے وحشت کے لئے گھر میں بَیاباں نِکلا
جانے کِس غم سے منوّر ہے ہر اِک لَوحِ جَبِیں
درد ہی رشتۂ اوراقِ پریشاں نِکلا
سر جُھکایا تو کبھی پاؤں تراشے اپنے !
پھر بھی مقتل میں مِرا قد ہی نُمایاں نِکلا
جال ہر سمت رِوایَت نے بِچھا رکھّے تھے
بابِ اِنکار کھُلا، جادۂ اِمکاں نِکلا
ہم کہ محرُومیِ قِسمت کا گِلہ رکھتے تھے
جس کو نزدِیک سے دیکھا وہ پریشاں نِکلا
آج بستی میں ہر اِک شخص ہے آئینہ بَدست
ہر کوئی خود سے مُلاقات پہ حیراں نِکلا
اب کسے چاک کریں، کِس کے اُڑائیں پُرزے
ہر گریبان، مُظفر کا گریباں نِکلا
پروفیسرمظفر حنفی
کل جو دِیوار گِراتا ہُوا طوُفاں نِکلا
پائے وحشت کے لئے گھر میں بَیاباں نِکلا
جانے کِس غم سے منوّر ہے ہر اِک لَوحِ جَبِیں
درد ہی رشتۂ اوراقِ پریشاں نِکلا
سر جُھکایا تو کبھی پاؤں تراشے اپنے !
پھر بھی مقتل میں مِرا قد ہی نُمایاں نِکلا
جال ہر سمت رِوایَت نے بِچھا رکھّے تھے
بابِ اِنکار کھُلا، جادۂ اِمکاں نِکلا
ہم کہ محرُومیِ قِسمت کا گِلہ رکھتے تھے
جس کو نزدِیک سے دیکھا وہ پریشاں نِکلا
آج بستی میں ہر اِک شخص ہے آئینہ بَدست
ہر کوئی خود سے مُلاقات پہ حیراں نِکلا
اب کسے چاک کریں، کِس کے اُڑائیں پُرزے
ہر گریبان، مُظفر کا گریباں نِکلا
پروفیسرمظفر حنفی
آخری تدوین:
