پاگل

پاگل اک بیٹھا سیگا نہر اُتے جا کے
بہہ گیا اوہدے کول مُلاں اک آکے

چنگا بھلا گھبرو ایں لگنا تُوں مویا ایں
مُلاں اوہنوں پُچھدا پاگل کیویں ہویا ایں؟

کہن لگا پاگل گل غور نال سُننا
نکی جنی گل اے تے ٹوہر نال سُننا

بڈھی میری مر گئی تے لیا میں پھاہ سی
کُڑی اک بیوہ نال کیتا میں ویاہ سی

ہُندی نہیں میں سُنیا ایں جنگ کھیڈ بالاں دی
نال اوہدے آئی سیگی دھی سولھاں سالاں دی

اوکھا سوکھا ہو کے میں ایہہ وی پیڑ جر لئی
اوہدے نال میرے بھائیا! ابے شادی کر لئی

ہو گیا لٹو تے سودائی بن بیٹھا سی
میرا ابا میرا ای جوائی بن بیٹھا سی

دُھپ وانگوں مینوں ہُن چھاں سیگی لگدی
میری دھی میریوئی ماں سیگی لگدی

اللہ اوہنوں دھی دتی اوہدا سُکھ چین سی
کریے حساب میری لگدی او بھین سی

اپنے ای گل دا میں بن گیا پھندا ساں
اوہنوں کیہ پتا سی اوہدی نانی دا بندا ساں

اودھروں جے ویکھئے تے گل چنگی خاصی سی
ایدھروں جے ویکھئے تے میری اوہ نواسی سی

پُت میرا بن گیا ہاسا سارے جگ دا
اپنی اوہ دادی دا بھرا سیگا لگدا

اودھروں جے ویکھئے میں پُت دا بھنیواں سی
ایدھروں جے ویکھئے تے بچدا وڑیواں سی

مُلاں آہندا نس جا کہ میرے کولوں مرنا ای
چَوّلا جہان دیا مینوں پاگل کرنا ای
(عارف شاد)
 
آخری تدوین:
وا ہ جی واہ کیتی اے حمیرا گل ٹائیٹ اے
گلاں باتاں دی تے یارو چنگی جئی ہائیٹ اے
بول نے پنجابی والے طالب میرے وِیریا
مینوں کجھ پڑھ دسو ویک آئی سائیٹ اے


ودھیا جی حمیرا جی چنگی بات سنائی جے رب کرے ہن تسیں ہور گلاں نال ساڈا دل پرچائی رکھو
 
وا ہ جی واہ کیتی اے حمیرا گل ٹائیٹ اے
گلاں باتاں دی تے یارو چنگی جئی ہائیٹ اے
بول نے پنجابی والے طالب میرے وِیریا
مینوں کجھ پڑھ دسو ویک آئی سائیٹ اے


ودھیا جی حمیرا جی چنگی بات سنائی جے رب کرے ہن تسیں ہور گلاں نال ساڈا دل پرچائی رکھو

فیصل پائین ہُن ہور کی آکھاں ۔۔۔۔۔
اللہ سوہنا تُساں تے اپنا کرم رکھے
 
Top