پاک نستعلیق فونٹ کا سٹائل میں استعمال

[نبیل]

السلام علیکم،

اس فورم کے ذریعے جہاں ہم پاک نستعلیق فونٹ کا جائزہ لے کر اس میں بہتری لانے کی تجاویز پیش کریں گے وہاں ہم اس فونٹ کو بہتر انداز میں ویب پیج کی سٹائل شیٹ میں استعمال کرنے پر بھی غور کریں گے۔ اس سلسلے میں آپ سب کی آراء درکار ہیں۔

میں اسی تھریڈ میں اس فورم میں استعمال ہونے والی سٹائل شیٹ کے حصے پیش کرتا رہوں گا اور آپ سب اس میں بہتری کی تجاویز پیش کر سکیں گے۔

سب سے پہلے تو میں نے یہ محسوس کیا ہے کہ پاک نستعلیق کے ساتھ بولڈ سٹائل ٹھیک نہیں لگ رہا، اسی لیے میں نے اس فورم کی سٹائل شیٹ میں سے بولڈ‌ٹیکسٹ سٹائل ختم کر دیا ہے۔

والسلام

 

[نبیل]

مجھے ابھی بھی کئی جگہ بولڈ ٹیکسٹ نظر آ رہا ہے۔ اس کے لیے براہ راست ٹمپلیٹ فائلوں میں ترمیم کرنی پڑے گی۔

 

[شاکرالقادری]

پیغام کے اندر رہتے ہوئے تو آپ نے بین السطوری فاصلہ کو کنٹرول کر لیا ہے لیکن بیغام کے باہر والے ایریا میں پاک نستعلیق کو لاگو کرنے کے بعد بین السطوری فاصلہ بہت زیادہ ہے مثلا پیغام کے نیچے جہاں یہ الفاظ درج ہیں
آپ اس فورم میں نئے مضامین بھیج سکتے ہیں
آپ اس فورم میں موضوعات کے جواب دے سکتے ہیں
آپ اس فورم میں اپنے خطوط کو مدون کر سکتے ہیں
کیا سٹائل شیٹ کی مدد سے اس کو کنٹرول کیا جا سکتا ہے؟

 

[نبیل]

شاکرالقادری، اتفاق کی بات ہے کہ مجھے اپنے سسٹم پر یہ والی سطور مناسب لائن سپیسنگ کے ساتھ نظر آرہی ہیں۔

 

[محسن حجازی]

قادری بھائی کے پاس پرانا ورژن ہوگا اس لیے بین السطور وقفہ انہیں زیادہ دکھائی دے رہا ہے۔پاک نستعلیق کے حالیہ اجراء میں کسی بھی قسم کی لائن سپیسنگ کنٹرول کرنے کی ضرورت نہیں بلکہ یہ مسئلہ مکمل طور پر حل کر دیا گیا ہے۔
نیز بولڈ کا تصور ویسے ہی نستعلیق کے ساتھ فٹ نہیں‌بیٹھتا ہمارے ہاں جلی خط کا استعمال کیا جاتا ہے جس میں‌کہ صرف خط کا سائز بڑھ جاتا ہے۔

 

[رضا]

سلام!
روانگی/ والے خانے میں الفاظ بہت چھوٹے سائز میں ہیں ۔ان کا سائز اگر تھوڑا بڑا کردیا جائے تو زیادہ اچھا لگے گا ۔ابھی تو دیکھنے اور پڑھنے میں دقت محسوس ہوتی ہے۔
محسن بھائی سے۔
بعض الفاظ اوپر والی لائن سے ٹکراتے ہیں۔جیسے آپ کے خط میں لفظ مکمل،اور الفاظ بھی ہو سکتے ہیں۔ایکسچینج ،مجھے،دیکھنے،
ان الفاظ کو کنٹرول کرنے کی کوشش کی جائے۔
والسلام مع الاکرام
4ذوالحجۃ الحرام 1427ھ

 

[شاکرالقادری]

نہیں یہ بات نہیں کہ میرے پاس دوسری ریلیز نہییں میں نے اسے مقتدہ کی سائٹ سے ڈاٶن لوڈ کر کے انسٹال کیا ہے میرا مقصد یہ تھا کے پیغام کے متن کے اندر لائن سپیسنگ بالک درست ہے لیکن پیغام کے ٹیکسٹ ایریا سے باہر اوپر فورم کی پیشانی اور نیجے جہاں فورم کے بارے میں معلومات ہیں کہ آپ اس فوم میں کیا کیا کر سکتے ہیں وہ لائن سپیسنگ بہت زیادہ ہے
محسن بھائی
میں نے محسوس کیا ہے کہ کچھ اشکال مثلا کھ کم گم کمی وغیرہ میں جہاں جہاں جوڑ ہیں جوزوں والے حصے کچھ زیادہ بڑے ہیں اگر انہیں چھوٹا کر دیا جائے تو لمبے ترسیمے لکھتے ہوئے کچھ نہ کچھ معاملہ سنبھل جائے گا
کیا جھ چھ کھ وغیرہ کی ایک ہی ابتدائی شکل استعمال نہیں کی جا سکی ج اور ھ کو جوڑنے کی بجائے جھ ایک ہی شکل ہو تو کیسا رہے گا نیر اگر لفظ اللہ کا الگ ترسیمہ ہی شامل کر لیا جائے تو بہتر ہے کیونکہ وہ ایک ذات ہی تو بڑی خالق و موجد ہے اور اس کے نام کے سلسلہ میں ہم کیوں کمپرومائز کریں

 

[الف عین]

میں متفق ہوں شاکر صاحب۔ اللہ اس صورت میں اچصا نہیں لگتا۔ ساتھ ہی ھ کچھ سورتوں میں تو درست ہی ہے، ہر جگہ نہیں۔
اور اب یہ کیا ہو رہا ہے؟ کل تو یہ فورم ٹھیک ہی تھی، لیکن اس وقت فائر فاکس میں دائیں طرف بڑا خلا نظر آ رہا ہے۔ اب تک دائیں طرف کے کچھ الفاظ پیغام کے باکس کےحاشیے سے باہر ضرور نظر آتے تھے۔ شاید سٹائل میں تبدیلی کرنے سے خلا ہی خلا نظر آ نے لگی ہے۔ یہ بھی درست نہیں۔

 

[رضا]

السلام علیکم!
جی شاکر اور اعجاز بھائی میں آپ سے سو فیصدی متفق ہوں ۔ایسا ضرور ہونا چاہیے۔ہمیں اللہ عزوجل سے محبت ہے تو اللہ کا نام بھی کتنا پیار ا ہے ۔سبحان اللہ عزوجل،اسے تو بہترین سے انداز میں لکھنا چاہیے
محسن بھائی ہ کو گول کریں نوری نستعلیق کی طرح۔ اگر یہ کام میں کرسکتا ہوتا توپہلی فرصت میں سب کام چھوڑ کریہی کام کرتابقیہ بعد میں۔اگر آپ کریں تو ہو سکتا ہے کہ اللہ اپنے نام کی تعظیم کی وجہ سے آپ سے راضی ہوجائے اور آپ کا بیڑا پار ہوجائے ، آپ کی وجہ سے ہمار ا بھی۔کیونکہ نیکوں کے صدقے گنہگاروں پر بھی کرم ہوتاہے۔غالبا حدیث ہے ،''عند الذکر الصالحین تنزل الرحمہ''یعنی صالحین کے ذکر کے وقت رحمت نازل ہوتی ہے۔تو جب ذکر کا یہ حال ہے تو خود ان کا کیا عالم ہوگا۔

 

[رضا]

اور بھی بعض الفاظ ہیں جن کو ٹھیک کرنے کی ضرورت ہے ۔
نبیل بھائی سے عرض ہے کہ قابل تصحیح الفاظ کیلئے ایک الگ دھاگہ شروع فرما دیں۔
تو آسانی رہے گی ،تاکہ محسن بھائی ان کو چیک کرکے تصحیح کرسکے۔
جیسے ذیل میں کچھ الفاظ عرض کرتا ہوں۔
دیگر ممبران بھی اضافہ فرما دیں۔
پاک نستعلیق
1 اللہ ہ درست کریں
2 مدینہ یا کے نقطے دال کے نیچے جارہے ہيں
3 اسلامی می کا ملنے کا انداز
4 نیچے چ کے نقطے
5 حتی ت کے نقطے ح کے اوپر جارہے ہیں
6 گھر "لائن سپیسنگ زیادہ لے رہا ہے
(ک یا گ والے الفاظ عموما لائن سپیسنگ زیادہ لے رہے ہیں۔"
7 بالتفصیل(تفصیل) نوری نستعلیق میں تا کے نقطے اوپر نیچے ہیں۔

 

[رضا]

تصحیح کو بھی دیکھیں ،اس کی "ت کے نقطے "اوپر والی لائن کے بھی اوپر جارہے ہیں۔جیسے لفظ ٹھیک کے کاف کے اوپر۔

 

[قیصرانی]

تصحیح کو بھی دیکھیں ،اس کی "ت کے نقطے "اوپر والی لائن کے بھی اوپر جارہے ہیں۔جیسے لفظ ٹھیک کے کاف کے اوپر۔

نستعلیق کا بنیادی اصول ہی اس کے عمودی لکھائی ہے، یعنی جتنے حروف لفظ میں بڑھتے جائیں گے، لفظ اتنا ہی اونچا ہوتا جائے گا۔ تو پاک نستعلیق میں عام استعمال کے الفاظ کو مد نظر رکھ کر شاید اتنی ہی لائن سپیسنگ دی گئی ہے جتنی کہ ممکن تھی اور بری بھی نہ لگے۔۔۔ ویسے باقی تفصیل تو محسن بھائی ہی بتا سکیں گے

 

[رضا]

محسن بھائی خدا جانے کب اس دھاگے پر تشریف لائیں گے؟
اوپر والے خط میں کچھ الفاظ لکھے ہیں کاش! کہ 22 جنوری والی ریلیز تک ان کو ٹھیک کردیا جائے۔
اور بھی کچھ الفاظ جس طرح
جنوری>>> کے ن کا نقطہ ج سے جڑ رہاہے

 

[رضا]

محسن بھائی ایکسل میں تاریخ میں پاک نستعلیق فانٹ لگانے میں یہ مسئلہ آرہا ہے۔
ملاحظہ فرمائیے۔

 

[محسن حجازی]

بنیادی طور پر اللہ والا معاملہ میں نے بھی محبت کے سبب نہیں چھیڑا۔
اگر اللہ کا الگ ترسیمہ ڈال دیا جائے تو:-
ا + ل +ل +ہ= اللّٰہ
ٹھیک؟ اب ایک بات اور، اللہ کے لیے تشدید اور کھڑی زبر لازم ہے۔
یار لوگ آسانی کے چکر میں ال ل ہ لکھ کر اللہ ڈال کر فارغ ہو جائیں گے لیکن صرف چند برسوں میں لفظ اللہ کا غلط املاء رواج پا جائے گا جو کہ کسی صورت قابل قبول نہیں۔

 

[راسخ کشمیری]

محسن بھائی ایکسل میں تاریخ میں پاک نستعلیق فانٹ لگانے میں یہ مسئلہ آرہا ہے۔
ملاحظہ فرمائیے۔

‌

السلام علیکم رضا
آپ نے جب یہ حرف لکھا تھا اس وقت آپکا کی بورڈ عربی موڈ میں تھا
عربی کیبورڈ کرکے لکھنے سے ایسا آتا ہے ۔جمعه
حبکہ اردو میں صحیح آتا ہے۔ جمعہ یہاں پر بھی ایکسل پر بھی۔

 

[رضا]

میں نےصرف تاریخ کا فارمولا لکھاہے۔یہاں تاریخ خود بہ خو د روزانہ اپڈیٹ ہوجاتی ہے۔قمری تاریخ کی یاداشت کیلئے یا فائل ترتیب دی ہے۔
[align=left:071bbe3edb]=now()[/align:071bbe3edb]
ڈسپلے عربی تاریخ کا دے دیا سیٹنگ میں جاکر۔

 

[رضا]

میں نےصرف تاریخ کا فارمولا لکھاہے۔یہاں تاریخ خود بہ خو د روزانہ اپڈیٹ ہوجاتی ہے۔قمری تاریخ کی یاداشت کیلئے یہ فائل ترتیب دی ہے۔
[align=left:816c8f5119]=now()[/align:816c8f5119]
ڈسپلے عربی تاریخ کا دے دیا سیٹنگ میں جاکر۔
اور کمپیوٹر میں اردو کیلئے ونڈو کا جوبائی ڈیفالٹ کی بورڈ ہے وہی استعمال کرتا ہوں۔

 

[رضوی]

پاک نستعلیق بعد از “یونیسکرائیب“

پاک نستعلیق “یونیسکرائیب“ کے بعد کام نہیں کرتا‘ اگر یو ایس پی(usp10.dll) کا ورژن(1.613.5291.0) لگایا جائے۔ جبکہ سرائیکی کے 2 یونیکوڈ 0768 اور 0759 “یونیسکرایب“ کے بغیر دوسروں سے نہیں جڑتے۔ حل کیا ہے؟
دیکھئے
http://scripts.sil.org/cms/scripts/page.php?site_id=nrsi&item_id=Replace_USP10dll
سرائیکی صوتی کی بورڈ بھیجنا چاہتا ہوں،کہاں بھیجوں؟
شکریہ
رضوان