1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

عرفان صدیقی وہ خدا ہے کہ صنم ہاتھ لگا کر دیکھیں

Qaisar Aziz نے 'پسندیدہ کلام' کی ذیل میں اس موضوع کا آغاز کیا، ‏جولائی 20, 2014

  1. Qaisar Aziz

    Qaisar Aziz محفلین

    مراسلے:
    141
    وہ خدا ہے کہ صنم ہاتھ لگا کر دیکھیں
    آج اس شوخ کو نزدیک بلا کر دیکھیں

    ایک جیسے ہیں سبھی گلبدنوں کے چہرے
    کس کو تشبیہہ کا آئینہ دِکھا کر دیکھیں

    کیا تعجب کوئی تعبیر دِکھائی دے جائے
    ہم بھی آنکھوں میں کوئی خواب سجا کر دیکھیں

    جسم کو جسم سے ملنے نہیں دیتی کم بخت
    اب تکلف کی یہ دیوار گِرا کر دیکھیں

    خیر، دِلّی میں تو اوراقِ مصور تھے بہت
    لاؤ، اِس شہر کی گلیوں میں بھی جا کر دیکھیں

    کون آتا ہے یہاں تیز ہواؤں کے سوا
    اپنی دہلیز پہ اِک شمع جلا کر دیکھیں

    وہ سمجھتا ہے یہ اندازِ تخاطب کہ نہیں
    یہ غزل اس غزل آرا کو سنا کر دیکھیں

    عرفانؔ صدیقی
     

اس صفحے کی تشہیر