تبسم وفا کی آخری منزل بھی آ رہی ہے قریب ۔ صوفی تبسّم

فرخ منظور

لائبریرین
وفا کی آخری منزل بھی آ رہی ہے قریب
جو اس جگہ بھی نہ تُو مل سکے تو میرے نصیب
فغانِ حق و صداقت کا مرحلہ ہے عجیب
دبے تو بند و سلاسل اُٹھے تو دار و صلیب
ترے خیال کا مسکن چمن چمن کا سفر
مری وفا کا نشیمن فقط دیارِ حبیب
نظر سے بچ کے ملے ہیں وہ بارہا مجھ سے
ہزار بار ہوا ہے یہ دل نظر کا رقیب
الجھ نہ جائیں کہیں اور دل کے افسانے
کہاں حدیثِ محبت، کہاں بیانِ خطیب
نہ جانے کونسی شے چشمِ غمگسار میں تھی
کہ جس کو دیکھ کے لرزاں ہوا ہے دستِ طبیب
ابھی فسردہ ہے ساقی ترا تبسّمِ لب
کسی کی یاد کو لے آؤ میکدے کے قریب
(صوفی تبسّم)
 

عمر سیف

محفلین
نظر سے بچ کے ملے ہیں وہ بارہا مجھ سے
ہزار بار ہوا ہے یہ دل نظر کا رقیب
نہ جانے کونسی شے چشمِ غمگسار میں تھی
کہ جس کو دیکھ کے لرزاں ہوا ہے دستِ طبیب
زبردست ۔
 
نظر سے بچ کے ملے ہیں وہ بارہا مجھ سے
ہزار بار ہوا ہے یہ دل نظر کا رقیب
الجھ نہ جائیں کہیں اور دل کے افسانے
کہاں حدیثِ محبت، کہاں بیانِ خطیب
:great:
 

نایاب

لائبریرین
واہہہہہہہہہہہہہہہہ
الجھ نہ جائیں کہیں اور دل کے افسانے
کہاں حدیثِ محبت، کہاں بیانِ خطیب
 
Top