1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

وطنِ پاک کہ ہے مملکتِ عشقِ رسول - حفیظ تائب

الف نظامی نے 'پسندیدہ کلام' کی ذیل میں اس موضوع کا آغاز کیا، ‏دسمبر 15, 2008

  1. الف نظامی

    الف نظامی لائبریرین

    مراسلے:
    13,974
    جھنڈا:
    Pakistan
    موڈ:
    Cool
    وطنِ پاک کہ ہے مملکتِ عشقِ رسول
    اس میں یارب ہو محبت کے اجالوں کا نزول

    مستقل اس میں رہے حبِ نبی کا موسم
    شاخ در شاخ کھلیں نزہتِ کردار کے پھول

    عدل و احساں سے مرتب ہو نظامِ ہستی
    پیروی ختمِ رسل کی ہو ہمارا معمول

    سارے افراد ہوں تزئینِ چمن میں شامل
    سب پہ روشن ہو مساوات و اخوت کے اصول

    میرے پژمردہ جوانوں کے ملے تازہ امنگ
    نہ کوئی آنکھ ہو گریاں نہ کوئی چہرہ ملول

    بے جہت قوم کو ہو سمتِ سفر کا ادراک
    ہو مرے دور کو مکتوبِ بہاراں موصول

    شہر آشوب ہی ٹھہرے نہ مقدر اپنا
    ہو نظر شہر فروزی کی طرف بھی مبذول

    اب تو اس دیس میں آجائے بہارِ اسلام
    اے خدا اب تو ہوں تائب کی دعائیں مقبول

    از حفیظ تائب
     
    • پسندیدہ پسندیدہ × 4
  2. شاہ حسین

    شاہ حسین محفلین

    مراسلے:
    2,902
    بہت خوب جناب
    شامل کرنے کا شکریہ
     
    • پسندیدہ پسندیدہ × 1

اس صفحے کی تشہیر