غزل قاضی
محفلین
واقف نہیں اِس راز سے آشفتہ سراں بھی
غم تیشہء فرہاد بھی غم سنگِ گراں بھی
اُس شخص سے وابستہ خموشی بھی بیاں بھی
جو نِشترِ فصّاد بھی ہے اَور رگِ جاں بھی
کِس سے کہیں اُس حُسن کا افسانہ کہ جِس کو
کہتے ہیں کہ ظالم ہے، تو رُکتی ہے زباں بھی
ہاں یہ خمِ گردن ہے یا تابانیء افشاں
پہلو میں مِرے قوس بھی ہے، کاہ کشاں بھی
اَے چارہ گرو چارہ گرو ہم کو بتاؤ
کیا اَیسے ہی آثار نمایاں ہیں وہاں بھی
چونکی ہے وُہ کِس ناز سے، اَے صُبحِ خوش آغاز
زُلفوں کی گھٹا بھی ہے چراغوں کا دُھؤاں بھی
( مصطفی زیدی از قبائے ساز )
غم تیشہء فرہاد بھی غم سنگِ گراں بھی
اُس شخص سے وابستہ خموشی بھی بیاں بھی
جو نِشترِ فصّاد بھی ہے اَور رگِ جاں بھی
کِس سے کہیں اُس حُسن کا افسانہ کہ جِس کو
کہتے ہیں کہ ظالم ہے، تو رُکتی ہے زباں بھی
ہاں یہ خمِ گردن ہے یا تابانیء افشاں
پہلو میں مِرے قوس بھی ہے، کاہ کشاں بھی
اَے چارہ گرو چارہ گرو ہم کو بتاؤ
کیا اَیسے ہی آثار نمایاں ہیں وہاں بھی
چونکی ہے وُہ کِس ناز سے، اَے صُبحِ خوش آغاز
زُلفوں کی گھٹا بھی ہے چراغوں کا دُھؤاں بھی
( مصطفی زیدی از قبائے ساز )