نبیل
تکنیکی معاون
دی گریٹ گیم 19 ویں صدی میں سلطنت برطانیہ اور روس کے مابین سیاسی اور سٹریٹجک رقابت کے لیے استعمال ہونے والی اصطلاح ہے۔ مصنف رڈیارڈ کپلنگ نے اس اصطلاح کو اپنے ناول کِم میں استعمال کیا تھا جس کے بعد یہ اصطلاح مشہور ہوئی تھی۔ دی گریٹ گیم سے مراد مشرقی ایشیائی ریاستوں پر کنٹرول حاصل کرنے کے حربوں کا کھیل لیا جاتا ہے۔ دراصل برطانیہ کو روس کی جانب سے خطرہ تھا کہ وہ کہیں اس کے اس زمانے میں زیر تسلط ہندوستان پر حملہ نہ کر دے۔
گزشتہ کچھ دہائیوں سے مشرقی ایشیائی ریاستیں ایک مرتبہ پھر سے عالمی طاقتوں کی نظر میں ہیں اور ایک مرتبہ پھر سے اس خطے میں سیاسی اثر و رسوخ اور معاہدوں کا کھیل کھیلا جا رہا ہے۔ اسی کو تاریخ دانوں اور تجزیہ نگاروں نے دی نیو گریٹ گیم کا نام دیا ہے۔ لیکن اس مرتبہ یہ کھیل جغرافیائی وسعت حاصل کرنے کے لیے نہیں بلکہ قدرتی وسائل پر قبضے کا کھیل ہے اور اس مرتبہ عالمی طاقتوں کی نظر مشرقی ایشیائی ریاستوں میں پائے جانے والے بیکراں پیٹرولیم اور قدرتی گیس کے ذخائر ہیں جنہیں ابھی استعمال میں لایا نہیں گیا ہے۔ اس تھریڈ میں میں اسی موضوع کی مناسبت سے معلومات اور حوالہ جات اکٹھا کرنا چاہ رہا ہوں۔ یہ میں محض اپنی دلچسپی کی خاطر کر رہا ہوں۔ آج ڈاکٹر شاہد مسعود کے پروگرام میرے مطابق میں اس اصطلاح کا ذکر سنا تو اس سے متعلق معلومات اکٹھا کرنے کا سوچا۔ آپ دوستوں کو بھی اس موضوع پر معلومات فراہم کرنے کی دعوت دی جاتی ہے۔ میری گزارش ہے کہ اس تھریڈ پر صرف موضوع سے متعلق بات کی جائے۔ شکریہ۔
گزشتہ کچھ دہائیوں سے مشرقی ایشیائی ریاستیں ایک مرتبہ پھر سے عالمی طاقتوں کی نظر میں ہیں اور ایک مرتبہ پھر سے اس خطے میں سیاسی اثر و رسوخ اور معاہدوں کا کھیل کھیلا جا رہا ہے۔ اسی کو تاریخ دانوں اور تجزیہ نگاروں نے دی نیو گریٹ گیم کا نام دیا ہے۔ لیکن اس مرتبہ یہ کھیل جغرافیائی وسعت حاصل کرنے کے لیے نہیں بلکہ قدرتی وسائل پر قبضے کا کھیل ہے اور اس مرتبہ عالمی طاقتوں کی نظر مشرقی ایشیائی ریاستوں میں پائے جانے والے بیکراں پیٹرولیم اور قدرتی گیس کے ذخائر ہیں جنہیں ابھی استعمال میں لایا نہیں گیا ہے۔ اس تھریڈ میں میں اسی موضوع کی مناسبت سے معلومات اور حوالہ جات اکٹھا کرنا چاہ رہا ہوں۔ یہ میں محض اپنی دلچسپی کی خاطر کر رہا ہوں۔ آج ڈاکٹر شاہد مسعود کے پروگرام میرے مطابق میں اس اصطلاح کا ذکر سنا تو اس سے متعلق معلومات اکٹھا کرنے کا سوچا۔ آپ دوستوں کو بھی اس موضوع پر معلومات فراہم کرنے کی دعوت دی جاتی ہے۔ میری گزارش ہے کہ اس تھریڈ پر صرف موضوع سے متعلق بات کی جائے۔ شکریہ۔