کاشفی
محفلین
غزل
(حضرت عزیزالحسن مجذوب)
نگاہِ اقربا بدلی ، مزاجِ دوستاں بدلا
نظر اک اُن کی کیا بدلی کہ مجھ سے کُل جہاں بدلا
مرے دنیائے دوں کو تو نے اے پیرِ مغاں بدلا
قیاس اب ہو گیا عرفاں یقیں سے اب گماں بدلا
چمن کا رنگ گو تونے سراسر اے خزاں بدلا
نہ ہم نے شاخِ گُل چھوڑی نہ ہم نے آشیاں بدل
گمانوں میں سبھی کے فرق آیا جب حجاب اٹّھے
نہ لیکن یک سرِ مُو بھی یقینِ عاشقاں بدلا
سرِ بازارِ حُسن و عشق کی رسوائیاں توبہ
شعارِ مہوشاں بدلا مذاقِ عاشقاں بدلا
سُنے سوتے میں جس دم نالہ ہائے نیم شب میرے
تو چونک اُٹھے وہ یہ کہہ کرکہ کیا وقت اذاں بدلا
کبھی ہم کہہ سکے ہمدم نہ کھل کر حالِ دل اُن سے
کہ ہر لفظ اپنا سو بار آتے آتے تا زباں بدلا
خوشا یہ دن کہ میری زیست آخر مرگ سے بدلی
بالآخر خوابِ راحت سے مرا خوابِ گراں بدلا
طریقِ عشق میں گو کارواں پر کارواں بدلے
نہ ہم نے رہ گذر بدلی نہ میرِ کارواں بدلا
کروں کیا دل ہے باصد زہد و تقویٰ مائلِ رندی
جبلّت کیا بدل سکتی عمل کو اپنے ہاں بدلا
دکھائے سبز باغ اتنے تو صیادانِ پُر فن نے
کِسی قیمت نہ بُلبل نے چمن سے آشیاں بدلا
نہ رہ چھوڑی نہ ہم نے نقشِ پا ئے راہرواں چھوڑے
ہوا کے رُخ پہ رُخ تُونے تو گردِ کارواں بدلا
نہ بہکا پھر بھی مجنوں گو یہ لیلیٰ نے کیا اکثر
کہ محمل اپنا بدلا، ناقہ بدلی ، سارباں بدلا
ارے توبہ کوئی حد ہے بھلا اِس بدگمانی کی
ذرا میں پاس جا بیٹھا کہ اس نے پاسباں بدلا
نظر میں اَب تو اے مجذوب یہ اِک کھیل ہے دنیا
نظر کے سب تماشے تھے نظر بدلی جہاں بدلا
ہوئی اک بے خُودی تحیّر چھا گیا سب پر
جہاں مجذوب جا پہنچا فضا بدلی سماں بدلا
بہت گو عشق میں مجذوبؔ بدلاتم نے حال اپنا
مگر جیسا بدلنا چاہئے ویسا کہاں بدلا
(حضرت عزیزالحسن مجذوب)
نگاہِ اقربا بدلی ، مزاجِ دوستاں بدلا
نظر اک اُن کی کیا بدلی کہ مجھ سے کُل جہاں بدلا
مرے دنیائے دوں کو تو نے اے پیرِ مغاں بدلا
قیاس اب ہو گیا عرفاں یقیں سے اب گماں بدلا
چمن کا رنگ گو تونے سراسر اے خزاں بدلا
نہ ہم نے شاخِ گُل چھوڑی نہ ہم نے آشیاں بدل
گمانوں میں سبھی کے فرق آیا جب حجاب اٹّھے
نہ لیکن یک سرِ مُو بھی یقینِ عاشقاں بدلا
سرِ بازارِ حُسن و عشق کی رسوائیاں توبہ
شعارِ مہوشاں بدلا مذاقِ عاشقاں بدلا
سُنے سوتے میں جس دم نالہ ہائے نیم شب میرے
تو چونک اُٹھے وہ یہ کہہ کرکہ کیا وقت اذاں بدلا
کبھی ہم کہہ سکے ہمدم نہ کھل کر حالِ دل اُن سے
کہ ہر لفظ اپنا سو بار آتے آتے تا زباں بدلا
خوشا یہ دن کہ میری زیست آخر مرگ سے بدلی
بالآخر خوابِ راحت سے مرا خوابِ گراں بدلا
طریقِ عشق میں گو کارواں پر کارواں بدلے
نہ ہم نے رہ گذر بدلی نہ میرِ کارواں بدلا
کروں کیا دل ہے باصد زہد و تقویٰ مائلِ رندی
جبلّت کیا بدل سکتی عمل کو اپنے ہاں بدلا
دکھائے سبز باغ اتنے تو صیادانِ پُر فن نے
کِسی قیمت نہ بُلبل نے چمن سے آشیاں بدلا
نہ رہ چھوڑی نہ ہم نے نقشِ پا ئے راہرواں چھوڑے
ہوا کے رُخ پہ رُخ تُونے تو گردِ کارواں بدلا
نہ بہکا پھر بھی مجنوں گو یہ لیلیٰ نے کیا اکثر
کہ محمل اپنا بدلا، ناقہ بدلی ، سارباں بدلا
ارے توبہ کوئی حد ہے بھلا اِس بدگمانی کی
ذرا میں پاس جا بیٹھا کہ اس نے پاسباں بدلا
نظر میں اَب تو اے مجذوب یہ اِک کھیل ہے دنیا
نظر کے سب تماشے تھے نظر بدلی جہاں بدلا
ہوئی اک بے خُودی تحیّر چھا گیا سب پر
جہاں مجذوب جا پہنچا فضا بدلی سماں بدلا
بہت گو عشق میں مجذوبؔ بدلاتم نے حال اپنا
مگر جیسا بدلنا چاہئے ویسا کہاں بدلا
