بابا بلھے شاہ نماز پڑہی تے نیاز نہ سکھیا

[ھارون رشید]

پڑھی نماز تے نیاز نہ سِکھیا
تیریاں کِس کَم پڑھیاں نمازاں
علم پڑھیا تے عمل نہ کیتا
تیریاں کِس کَم کیتیاں واگاں
نہ کَہر ڈِٹَھا نہ کَہر والا ڈِٹَھا
تیریاں کِس کَم دِتیاں نیازاں
بُلھے شاہ پتہ تَد لگ سی
جدوں چِڑی پَھسی ہتھ بازاں

کھا آرام تے پڑھ شکرانہ
کر توبہ ترک ثوابوں
چھڈ مسیت تے پکڑ کنارہ
تیری چُھٹے جان عذابوں
نہ کہو کلمہ جہیڑا کہندا مُنکر
وے تو ہو روں اِک ثوابوں
بُلھے شاہ چل اُتھے وسیے
جِتھے منع نہ کرنڑ شرابوں

سِر تے ٹوپی تے نیت کھوٹی
لینا کی سِر ٹوپی تَرھ کے؟
تسبیح پھِری پر دِل نہ پھِریا
لینا کی تسبیح ہتھ پَھڑ کے
چلِے کیتے پر رب نہ ملیا
لینا کی چِلیاں وِچ وَڑھ کے
بُلھے شاہ جاگ بِنا دُدھ نہیں جمندا
پانویں لال ہووے کڑھ کڑھ کے

پڑھ پڑھ عالم فاضل ہویا
کدے اپنڑے آپ نوں پڑھیا نہیں
جا جا وَڑدا مسجداں مندراں اندر
کدے مَن اپنے وچ وَڑیا ای نہیں
ایویں روز شیطان نال لڑدا
کدی نفس اپنڑے نال لڑیا ای نہیں
بُلھے شاہ اسمانی اُڈدیاں پھَڑدا ایں
جہڑا کہر بیٹھا اونوں پھڑیا ای نہیں
​

 

[ھارون رشید]

شکر اے کسے نوں تے پسند آیا

 

[شمشاد]

بہت ودیا۔

ایدے وچ ناپسند آن والی کوئی گل ای نئیں۔

 

[ھارون رشید]

فیر تے کمال ای ہوگیا اے

 

[شمشاد]

دعا کریا کرو کہ اللہ تعالٰی ساریاں نوں ہدایت دیوے۔

 

[ھارون رشید]

آمین اللہ تواڈی زبان مبارک کرے