نعت شریف - جمالِ شاہِ بطحا حق نما معلوم ہوتا ہے

[فخرنوید]

جمالِ شاہِ بطحا حق نما معلوم ہوتا ہے
یہ آئینہ ہے وہ جس میں خدا معلوم ہوتا ہے

ہے جس کی خوش ادائی کا بیانِ ماطغٰی شاہد
تری آنکھوں میں وہ رنگِ حیا معلوم ہوتا ہے

ہے تو ہی نقطہ جاذب تا¿ثر کی شعاعوں کا
ہر اک دل میں نہاں سودا ترا معلوم ہوتا ہے

جبینِ ماہِ طیبہ کی ضیائے بے نہایت میں
مجھے حسنِ ازل جلوہ نما معلوم ہوتا ہے

بپاسِ الفتِ سلطانِ بطحا سرورِ عالم
ہر اک ذرہ مجھے مدحت سرا معلوم ہوتا ہے

عجب لطفِ کریمانہ شہِ کونین کا دیکھا
جو مانگا تھا مجھے اس سے سَوا معلوم ہوتا ہے

گدائی فیض کی ہے غیرتِ شانِ شہنشاہی
یہ خوش قسمت ترے در کا گدا معلوم ہوتا ہے

 

[محمدصابر]

اللھم صل علٰی محمد وعلٰی آل محمد کما صلیت علٰی اِبراھیم وعلٰی آل اِبراھیم اِنک حمید مجید ہ
اللھم بارک علٰی محمد وعلٰی آل محمد کما بارکت علٰی اِبراھیم وعلٰی آل اِبراھیم اِنک حمید مجید ہ

 

[الف نظامی]

گدائی فیض کی ہے غیرتِ شانِ شہنشاہی
یہ خوش قسمت ترے در کا گدا معلوم ہوتا ہے