نظم ۔ اندیشہ ۔ محمود غزنوی

[محمداحمد]

اندیشہ

میں زندگی کی اداس وسعتوں میں
الجھ گیا ہوں
میں لمحہ لمحہ بکھر رہا ہوں
مرے لہو میں سمیٹے جانے کی ایک خواہش سی اُگ رہی ہے
(ہر اک تمنا سلگ رہی ہے)
تمھیں شریکِ سفر بنا لوں
مگر میں دنیا کو جانتا ہوں
کہ میری سوچیں حقیقتوں کے
لہو سمندر نہا چکی ہیں
میں سوچتا ہوں کہ میرے سب خواب ریشمی ہیں
تو میری کھدر رفاقتوں میں
بھرم کہیں بھی نہ رکھ سکے گا۔

محمود غزنویؔ

 

[زبیر مرزا]

واہ جناب بہت خُوب

 

[محمود احمد غزنوی]

نام کے ساتھ کچھ کچھ جذبات بھی مل رہے ہیں

 

[فلک شیر]

نام کے ساتھ کچھ کچھ جذبات بھی مل رہے ہیں

قسم لے لیں غزنوی صاحب! میں تو آپ کی نظم ہی سمجھا تھا..........بلکہ محمد احمد بھائی سے پوچھنے بھی لگا تھا، کہ آپ خود ہی پہنچ گئے............

 

[زبیر مرزا]

یہ محمود غزنوی کراچی یونیورسٹی کے پروفیسر اور یقعوب غزنوی کے بڑے بھائی تو نہیں ؟
جن کی بڑی مشہور نظم ہے خط نا لکھنے کا تم سے کیا شکوہ کروں

 

[محمود احمد غزنوی]

قسم لے لیں غزنوی صاحب! میں تو آپ کی نظم ہی سمجھا تھا..........بلکہ محمد احمد بھائی سے پوچھنے بھی لگا تھا، کہ آپ خود ہی پہنچ گئے............

میں نے کچھ بے تکی سی نظمیں لکھی ہیں، خیالات کچھ اسی قسم کے تھے جیسے اس نظم میں ہیں۔۔ (اسکا یہ مطلب نہ لیا جائے کہ یہ نظم بے تکی ہے)

 

[فلک شیر]

میں نے کچھ بے تکی سی نظمیں لکھی ہیں، خیالات کچھ اسی قسم کے تھے جیسے اس نظم میں ہیں۔۔ (اسکا یہ مطلب نہ لیا جائے کہ یہ نظم بے تکی ہے)

ماشاءاللہ!............سر انتظار رہے گا اب اُن کا.............

 

[محمود احمد غزنوی]

ماشاءاللہ!............سر انتظار رہے گا اب اُن کا.............

مجھے پتہ نہیں چل رہا کہ اپنی جو نظمیں یا غزلیں میں نے ایہاں پوسٹ کی ہیں وہ کیسے تلاش کروں

 

[زبیر مرزا]

مجھے پتہ نہیں چل رہا کہ اپنی جو نظمیں یا غزلیں میں نے ایہاں پوسٹ کی ہیں وہ کیسے تلاش کروں

اپنے شروع کیے دھاگے دیکھیں ( مجھے ذرا ٹائم ملے تو میں بھی تلاش کرتا ہوں)

 

[محمود احمد غزنوی]

ماشاءاللہ!............سر انتظار رہے گا اب اُن کا.............

ایک ابھی ملی ہے۔۔۔چاہت

 

[محمداحمد]

محمود احمد غزنوی صاحب کی تین خوبصورت نظمیں یہاں دیکھی جا سکتی ہیں۔

 

[فلک شیر]

میں نے کچھ بے تکی سی نظمیں لکھی ہیں، خیالات کچھ اسی قسم کے تھے جیسے اس نظم میں ہیں۔۔ (اسکا یہ مطلب نہ لیا جائے کہ یہ نظم بے تکی ہے)

یوں سمجھیے، نام کے ساتھ ساتھ افکار میں بھی توارد واقعی ہو گیا ہے..............
وہ جیسے یوسفی صاحب کی کتاب کے ایک کردار "عباد الرحمان قالب"تھے اور چچا غالب کی غزلوں کو صرف "قالب"تخلص کی تبدیلی کے ساتھ سنایا کرتے تھے...........ایک روز کسی نے توجہ دلائی کہ یہ غزل جو آپ سنا رہے ہی، یہ پرسوں کسی نے غالب کی اور آج آپ نے اپنی کہہ کے سنا ئی ہے.................تو اُن صاحب نے کیا خوبصورت جملہ ارشاد فرمایا تھا، کہ "لگتا ہے، سرقہ میں توارد ہو گیا ہے"۔۔۔۔۔۔۔۔۔۔۔۔۔۔۔

 

[محمود احمد غزنوی]

محمود احمد غزنوی صاحب کی دو خوبصورت نظمیں یہاں دیکھی جا سکتی ہیں۔

آپ نے خوبصورت کہہ دیا تو خوبصورت ہو گئیں۔میں یقین کرلیتا ہوں۔۔۔بہت عنایت، بیحد نوازش

 

[محمداحمد]

آپ نے خوبصورت کہہ دیا تو خوبصورت ہو گئیں۔میں یقین کرلیتا ہوں۔۔۔ بہت عنایت، بیحد نوازش

جناب مشاعرے میں پہلے ہی ہماری بات کی تائید ہو چکی ہے۔

 

[محمداحمد]

مجھے پتہ نہیں چل رہا کہ اپنی جو نظمیں یا غزلیں میں نے ایہاں پوسٹ کی ہیں وہ کیسے تلاش کروں

میرا خیال ہے "آپ کی شاعری" والے ذمرے میں ٹیگ موجود نہیں ہیں۔ آپ کو نام سے ہی تلاش کرنا ہوں گی۔

 

[فلک شیر]

ابھی پڑھ کے حاضر ہوا......

 

[محمداحمد]

واہ جناب بہت خُوب

یہ محمود غزنوی کراچی یونیورسٹی کے پروفیسر اور یقعوب غزنوی کے بڑے بھائی تو نہیں ؟
جن کی بڑی مشہور نظم ہے خط نا لکھنے کا تم سے کیا شکوہ کروں

یہ نظم کافی عرصے پہلے سے میری ڈائری میں لکھی ہوئی تھی۔ پھر کچھ سال پہلے میں نے اسے تصویر میں ڈھالا (تصویر بھی لگی ہوئی ہے)۔ آج پھر نظر آئی تو محفل میں پوسٹ کردی۔ شاید کسی رسالے سے لی تھی اس لئے مجھے اندازہ نہیں کہ یہ کون سے والے محمود غزنوی صاحب ہیں۔

 

[زبیر مرزا]

یہ نظم کافی عرصے پہلے سے میری ڈائری میں لکھی ہوئی تھی۔ پھر کچھ سال پہلے میں نے اسے تصویر میں ڈھالا (تصویر بھی لگی ہوئی ہے)۔ آج پھر نظر آئی تو محفل میں پوسٹ کردی۔ شاید کسی رسالے سے لی تھی اس لئے مجھے اندازہ نہیں کہ یہ کون سے والے محمود غزنوی صاحب ہیں۔

محمود غزنوی کا کلام بس لوگوں سے یونیورسٹی میں سنا اور کچھ رسالوں میں پڑھا