نظم میں پھل تلاش کریں

اس نظم کے ہر شعر میں دو پھل ہیں، ایک پھل کا تذکرہ ہے اور دوسرے پھل کا نام پوشیدہ ہے، پوشیدہ پھل تلاش کریں۔

آم ہے سارے پھلوں کا بادشاہ
اس سے بڑھ کر پھل کوئی پاتے نہیں

سیب سے جن کو نہیں بے رغبتی
ڈاکٹر کے پاس وہ جاتے نہیں

قبض والے! آ، مری اک بات مان
تو پپیتا کھا جو سب کھاتے نہیں

کھاتے بھی ہیں آپ، پیتے بھی ہیں جو
سال بھر انگور پر آتے نہیں

بیر کے ٹھیلے سے خالی ہاتھ پھر
آنکھ جو رہ جائے تو جاتے نہیں

ہے شریفے سے پرانا رشتہ پر
سب شرافت والے یہ کھاتے نہیں

سَرسَرؔی! لے آؤ کینو کی نوید
کون سے پھل اپنے من بھاتے نہیں
​

 

محذوف

 

کتنے ذہین ہیں آپ۔۔۔۔!!!

 

نایاب بھائی جواب حذف کردیں تاکہ لڑی کی دلچسپی کا وقت کچھ اور بڑھ جائے۔

 

میری طرف سے بھی ’محذوف‘۔۔۔

 

بھئی جس کو جواب نہ آئے تو وہ محذوف ہی لکھ دئے۔

اب ہم کیسے مان جائیں کہ واقعی انکو جواب آتا تھا،لیکن بعد میں حذف کیا۔

 

ہاں یہ بات بھی درست ہے ، مگر کسی ایک کے جواب بتانے سے سب کا مزہ خراب ہوجائے گا ، لہذا اس کا ایک آسان حل یہ ہے کہ جسے درست جوابات معلوم ہوں وہ ان کے علاوہ کم از کم دس پھلوں کے نام لکھے، اگر درست جوابات میں سے ایک بھی پھل کا نام اس نے نہیں لکھا تو سمجھا جائے گا کہ اسے درست جواب معلوم ہے، پھر وہ تدوین کرکے ”محذوف“ لکھ دے۔

 

مجھے نہیں سمجھ آئی اس بات کی۔ پھر سے سمجھائیں کیسے جواب دینا ہے؟

 

بات پرانی ہوگئی ، اب تو آپ جیسے بھی چاہیں جواب دے دیں۔

 

سیدھا سیدھا "جواب" دے دوں؟

 

سیب

بیر

آم

پپیتے

کھجور

انار

کینو
سرسری

​

 

یا اللہ خیر ،،، یہ تو باریک ترین بینی ہوئی بھئی ،،،،

 

یہ سَرسَری کونسا پھل ہے؟

 

یہ واحد پھل ہے جو سرسری درخت کے ساتھ لگتا ہے۔

 

گُڈ کوئسچن
نیکسٹ کوئسچن!!!

 

یہ کونسی زبان ہے؟

 

انگریزی

 

میں تو آپ کے سوال کا جواب دے رہا تھا ، اسے جوابی سوال کہتے ہیں ، اس کے جواب کی ضرورت نہیں ہوتی۔

 

پھر اس پر شاہین آجاتا ہے۔