فیض نظم - لہو کا سراغ ( فیض احمد)

[پیاسا صحرا]

کہیں نہیں ھے کہیں بھی نہیں لہو کا سراغ

نہ دست و ناخن قاتل نہ آستیں پہ نشاں

نہ سرخی لب خنجر نہ رنگ نوک سناں

نہ خاک پر کوئی دھبا نہ بام پر کوئی سراغ

کہیں نہیں ھے کہیں بھی نہیں لہو کا سراغ

نہ صرف خدمت شاہاں کہ خوںبہا دیتے

نہ دیں کی نذر کہ بیعانہ جزا دیتے

نہ رزم گاہ میں برسا کہ معتبر ھوتا

کسی علم پہ رقم ھو کے مشتہر ھوتا

پکارتا رہا بے آسرا یتیم لہو

کسی کو بہر سماعت نہ وقت تھا نہ دماغ

نہ مدعی نہ شہادت حساب پاک ھوا

یہ خوں خاک نشیناں تھا رزق خاک ھوا

 

[فرخ منظور]

شکریہ پیاسا صحرا! مجھے بھی یہ نظم بہت پسند ہے -