قتیل شفائی نظم: لمحوں کی پرستار ۔ از قتیل شفائی (میں نے چاہا تھا اسے روح کی راحت کے لیے)

فاتح

لائبریرین
لمحوں کی پرستار​
میں نے چاہا تھا اسے روح کی راحت کے لیے​
وہ مگر جان کا آزار بنی بیٹھی ہے​
میری آنکھوں نے جسے پھول سے نازک سمجھا​
اب وہ چلتی ہوئی تلوار بنی بیٹھی ہے​
ہم سفر بن کے جسے ناز تھا ہمراہی پر​
رہزنوں کی وہ طرفدار بنی بیٹھی ہے​
کسی افسانے کا کردار بنی بیٹھی ہے​
اس کی معصومیتِ دل پہ بھروسہ تھا مجھے​
عزمِ سیتا کی قسم، عصمتِ مریم کی قسم​
یاد ہیں اس کے وہ ہنستے ہوئے آنسو مجھ کو​
خندۂ گل کی قسم، گریۂ شبنم کی قسم​
اس نے جو کچھ بھی کہا میں نے وہی مان لیا​
حکمِ حوّا کی قسم، جذبۂ آدم کی قسم​
پاک تھی روح مری چشمۂ زمزم کی قسم​
میں نے چاہا تھا اسے دل میں چھپا لوں ایسے​
جسم میں جیسے لہو، سیپ میں جیسے موتی​
عمر بھر میں نہ جھپکتا کبھی اپنی آنکھیں​
میرےزانو پہ وہ سر رکھ کے ہمیشہ سوتی​
شمعِ یک شب تو سمجھتا ہے اسے ایک جہاں​
کاش بن جاتی وہ میرے لیٔے جیون جوتی​
در بدر اس کی تمازت نہ پریشاں ہوتی​
میں اسے لے کے بہت دور نکل جاؤں مگر​
وہ مری راہ میں دیوار بنی بیٹھی ہے​
زندگی بھر کی پرستش اسے منظور نہیں​
وہ تو لمحوں کی پرستار بنی بیٹھی ہے​
میں نے چاہا تھا اسے روح کی راحت کے لیے​
وہ مگر جان کا آزار بنی بیٹھی ہے​
کسی افسانے کا کردار بنی بیٹھی ہے​
(قتیل شفائی)​
 

صائمہ شاہ

محفلین
واہ خوبصورت انتخاب
زندگی بھر کی پرستش اسے منظور نہیں
وہ تو لمحوں کی پرستار بنی بیٹھی ہے
میں نے چاہا تھا اسے روح کی راحت کے لیے
وہ مگر جان کا آزار بنی بیٹھی ہے
کسی افسانے کا کردار بنی بیٹھی ہے
 

فاتح

لائبریرین
واہ خوبصورت انتخاب
زندگی بھر کی پرستش اسے منظور نہیں
وہ تو لمحوں کی پرستار بنی بیٹھی ہے
میں نے چاہا تھا اسے روح کی راحت کے لیے
وہ مگر جان کا آزار بنی بیٹھی ہے
کسی افسانے کا کردار بنی بیٹھی ہے
صائمہ شاہ صاحبہ! ممنون ہوں آپ کی جانب سے پذیرائی پر۔۔۔
 

سید زبیر

محفلین
میری آنکھوں نے جسے پھول سے نازک سمجھا
اب وہ چلتی ہوئی تلوار بنی بیٹھی ہے
خوبصورت شراکت کا شکریہ
 

چھوٹاغالبؔ

لائبریرین
آہ قتیل صاحب کو ہم سے بچھڑے آج دس سال بیت گئے

چٹھی ذرا سیاں جی کے نام لکھ دے

بہت زبردست انتخاب جناب
داد قبول فرمائیے
 

فاتح

لائبریرین
بہت زبردست انتخاب جناب
داد قبول فرمائیے
شکریہ چھوٹاغالبؔ صاحب۔
آہ قتیل صاحب کو ہم سے بچھڑے آج دس سال بیت گئے

چٹھی ذرا سیاں جی کے نام لکھ دے
ارے جناب، قتیل صاحب کی اس قدر یاد آ رہی ہے تو چٹھی لکھوانے کی کیا ضرورت ہے۔۔۔ بروح ریاح (بنفس نفیس کے وزن پر) خود ہی مل لیجیے قبلہ۔۔۔ وہاں نہ صرف اس گیت کے خالق بلکہ اس کی گلوکارہ (نور جہاں)، کمپوزر (اے حمید) اور اداکار (رحمان) سے بھی ملاقات ہو جائے گی۔
 
Top