مصطفیٰ زیدی نظم - رہ و رسم آشنائی - مصطفی زیدی

بنگش نے 'پسندیدہ کلام' کی ذیل میں اس موضوع کا آغاز کیا، ‏اکتوبر 23, 2008

  1. بنگش

    بنگش محفلین

    مراسلے:
    72
    زمیں نئی تھی فلک نا شناس تھا جب ہم
    تری گلی سے نکل کر سوئے زمانہ چلے
    نظر جھکا کہ بہ اندازِ مجرمانہ چلے

    چلے بَجیب دریدہ، بہ دامنِ صَد چاک
    کہ جیسے جنسِ دل و جاں گنوا کے آئے ہیں
    تمام نقدِ سیادت لٹا کہ آئے ہیں

    جہاں اک عمر کٹی تھی اسی قلمرو میں
    شناختوں کے لیئے ہر شاہراہ نے ٹوکا
    ہر اک نگاہ کے نیزے نے راستہ روکا

    جہاں جلے تھے ترے حسنِ آتشیں کے کنول
    وہاں الاؤ تو کیا راکھ کا نشاں بھی نہ تھا
    چراغ کشتۂ محفل دھواں دھواں بھی نہ تھا

    مسافرت نے پکارا نئے افق کی طرف
    اگر وفا کی شریعت کا یہ صلہ ہوگا
    نئے افق سے تعارف کے بعد کیا ہوگا
     
    • پسندیدہ پسندیدہ × 6
  2. فرخ منظور

    فرخ منظور لائبریرین

    مراسلے:
    12,833
    جھنڈا:
    Pakistan
    موڈ:
    Cold
    خوبصورت نظم ہے - ہم تو مصطفیٰ زیدی کے بہت پرانے مداح ہیں - بہت شکریہ بنگش!
     

اس صفحے کی تشہیر