میں نثار تیری گلیوں‌پہ اے وطن کہ جہاں

[خرم]

ہماری گریجوئیٹ مجلس شورہ نے ایک اور فقید المثال قانون منظور کیا کہ جس کی رو سے صدر، فوج اور عدلیہ پر تنقید نہیں کی جا سکے گی۔ اب بھی اصرار کہ ہمارے یہاں سچی اور پکی جمہوریت رائج ہے۔ بس فیض صاحب کا یہی شعر یاد آتا ہے
میں نثار تیری گلیوں پہ اے وطن کہ جہاں
چلی ہے رسم کوئی نہ سر اُٹھا کہ چلے

بوالہواسوں کا یہ رقص بدتمیزی نجانے کب تھمے گا؟ کب ہم اپنے حق کو اپنا مانیں‌گے اور کب اس قوم کی مرجھائی ہوئی امیدوں پہ برگ و بار کا موسم آئے گا؟

 

[نبیل]

اس کا مطلب ہے کہ اب محفل فورم کی خیر منانی چاہیے۔

 

[بدتمیز]

صدر فوج اور عدلیہ۔ ہاہاہا یہ کہیں صرف ایک ہی ادارے کا نام تو نہیں؟

 

[عمار ابن ضیا]

یہ روشن خیالی اور آزادئ اظہار کی اعلی مثال ہے۔

 

[بدتمیز]

ویسے اگر عدلہ نے صدر کی یا فوج کی یا فوج اور صدر نے مل کر عدلیہ کی عزت کر دی تو؟ تب کیا ہو گا؟
ابھی صدر کے چہیتوں نے سپریم کورٹ کے فیصلے کے خلاف بسنت منائی تو کیا یہ توہین عدالت نہیں ہے یا سپریم کورٹ عدالت نہیں ہے؟

 

[نبیل]

کوئی صاحب اصل خبر کا ربط فراہم کر سکیں گے؟

 

[رضوان]

24 تاریخ کا روزنامہ ایکسپریس

 

[رضوان]

اس کا مطلب ہے کہ اب محفل فورم کی خیر منانی چاہیے۔

نبیل یہ کیا تم تو کھلم کھلا الزام لگا رہے ہو کہ ذرائع ابلاغ کو آذادی نہیں اور گویا کہ کچھ خوف ہے؟


سب کو آذادی ہے کہ وہ شیر افگن کی طرح بلکہ ان سے بھی بڑھ کر قصائد گائیں کسی کو روکا نہیں جائے گا۔

 

[نبیل]

رضوان، مصر میں پہلے میرا ہم نام بلاگر قید کی سزا پا چکا ہے۔ میں نے اس کی فرد جرم دیکھی ہے اور میں اپنے بلاگ پر کچھ اسی طرح کا لکھتا آیا ہوں۔ مجھے لگتا ہے کہ اب مجھے اپنا بلاگ بند ہی کرنا پڑے گا۔

 

[قیصرانی]

رضوان، مصر میں پہلے میرا ہم نام بلاگر قید کی سزا پا چکا ہے۔ میں نے اس کی فرد جرم دیکھی ہے اور میں اپنے بلاگ پر کچھ اسی طرح کا لکھتا آیا ہوں۔ مجھے لگتا ہے کہ اب مجھے اپنا بلاگ بند ہی کرنا پڑے گا۔

میرا نہیں خیال کہ اس بات پر پاکستان میں کوءی سزا دی جاءے۔ البتہ اگر یہ امریکہ میں ہوا ہوتا تو شاید پاکستانی صدر صاحب بھی نقل کرتے

 

[خرم]

بھائی سوال یہ نہیں ہے کہ ایسا کیوں ہوا اور اس پر سزا دی جائیگی کہ نہیں۔ سوال تو یہ ہے کہ آخر کب تک ہم چپ چاپ اس قسم کی باتیں برداشت کرتے رہیں گے؟ کیا یہی مستقبل ہے جو ہم اپنی آنے والی نسلوں کو دینا چاہتے ہیں؟ انہیں بھی ان لوگوں کی اولادوں کی غلامی میں چھوڑنا چاہتے ہیں ہم؟ آخر کیا طوفان برپا ہوگا تو ہم اپنے حقوق کے لئے آواز اٹھائیں گے؟ عزتیں برسر بازار لُٹتی ہیں، آفاتِ سماوی میں مبتلا لوگوں کے نام پر سمیٹی ہوئی رقوم بانٹ لی جاتی ہیں، جان و مال کسی کی محفوظ نہیں، ظلم، ناانصافی اور جبر کا دور دورہ ہے۔ آخر اور کیا ہوگا تو ہم اپنا حق چھینیں گے کیونکہ مانگنے سے تو یہ گِدھ ہمارے حقوق کبھی بھی نہیں دیں گے۔ آخر کب؟

 

[بدتمیز]

رضوان، مصر میں پہلے میرا ہم نام بلاگر قید کی سزا پا چکا ہے۔ میں نے اس کی فرد جرم دیکھی ہے اور میں اپنے بلاگ پر کچھ اسی طرح کا لکھتا آیا ہوں۔ مجھے لگتا ہے کہ اب مجھے اپنا بلاگ بند ہی کرنا پڑے گا۔

آپ کیوں پریشان ہوتے ہیں۔ میں تو میرا پاکستان کی سوچ رہا ہوں کہ ان کے ساتھ کیا ہو گا؟