میرے پسندیدہ اشعار

ہماری جیت ہوئی ہے کہ دونوں ہارے ہیں
بچھڑ کے ہم نے کئی رات دن گزارے ہیں
اسلم کولسری

 

زندگی سے بڑی سزا ہی نہیں
اور کیا جرم ہے پتا ہی نہیں
کرشن بہاری نور

 

ہم کو یاروں نے یاد بھی نہ رکھا
جونؔ یاروں کے یار تھے ہم تو
جون ایلیا

 

مجھے ڈرا نہیں سکتی فضا کی تاریکی
مِری سرشت میں ہے پاکی و دُرخشانی
تُو اے مسافرِ شب! خود چراغ بن اپنا
کر اپنی رات کو داغِ جگر سے نُورانی

علامہ اقبال رح

 

مسلم سے ايک روز يہ اقبال نے کہا
ديوان جزو و کل ميں ہے تيرا وجود فرد
علامہ اقبال

 

اپنی مرضی سے بھی دو چار قدم چلنے دے
زندگی ہم تیرے کہنے پہ چلے ہیں برسوں

 

محبت کی سلطانی ہے سب جگت میں
کہ اس سم نہیں کوئی گیانی و دانی۔۔۔۔

قلی قطب شاہ

 

یاد رکھنا ہی محبت میں نہیں ہے سب کچھ
بھول جانا بھی بڑی بات ہوا کرتی ہے
جمال احسانی

 

بھول جانا تو رسم دنیا ہے
کچھ تو اوروں سے مختلف کرتے

 

یہ بہت خوب صورت شعر جمال احسانی کا ۔۔۔۔

 

بات رہتی ہے کب کوئی مخفی
جاننے والے جان لیتے ہیں


عدم

 

نہ تو میں کسی کا حبیب ہوں نہ تو میں کسی کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں

"بہادر شاہ ظفر"

 

بخشا ہے جس نے روح کو زخموں کا پیراہن
محسن وہ شخص کتنا طبیعت شناس تھا

محسن نقوی

 

لے زندگی کا خمس علی کے غلام سی
اے موت آ ضرور مگر احترام سے

عاشق ہوں گر ذرا بھی اذیت ھوی مجھے
شکوہ کروں گا تیرا اپنے امام سے

محسن نقوی

 

ہاتھ رکھ کر جو وہ پوچھے دل بیتاب کا حال
ہو بھی آرام تو کہہ دوں مجھے آرام نہیں
داغؔ دہلوی

 

اپنے سینے سے لگا کر دیکھ مفلس کو کبھی
چند لمحے میں تری ساری انا لے جائے گا

اشہد بلال چمن

 

گمشدگی ہی اصل میں یارو راہ نمائی کرتی ہے
راہ دکھانے والے پہلے برسوں راہ بھٹکتے ہیں
حفیظ بنارسی

 

اس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے

راحت اندوری

 

چلے جائیے مجھ سے دامن بچا کر
تصور سے بچ کر کہاں جائیے گا
نامعلوم

 

بڑے تاباں بڑے روشن ستارے ٹوٹ جاتے ہیں
سحر کی راہ تکنا تا سحر آساں نہیں ہوتا
ادا جعفری​