میرے پسندیدہ اشعار

[سیما علی]

جن سے مل کر زندگی سے عشق ہو جائے وہ لوگ
آپ نے شاید نہ دیکھے ہوں مگر ایسے !!!!بھی ہیں
سرور۔ بارہ بنکوی

 

[طاہر شیخ]

سنتا ہوں بڑے غور سے افسانہ ہستی
کچھ خواب ہے کچھ اصل ہے کچھ طرزِ ادا ہے

اصغر گونڈوی

 

[علی وقار]

کسی کا درد ہو کرتے ہیں تیرے نام رقم
گِلہ ہے جو بھی کسی سے ترے سبب سے ہے

فیض احمد فیض

 

[سیما علی]

نہ خدا رہا نہ صنم رہے، نہ رقیبِ دیر و حرم رہے
نہ رہی کہیں اسد اللہی نہ !!!!!کہیں ابولہبی رہی
علامہ سر محمد اقبال رح

 

[La Alma]

یہ ساری جنتیں، یہ جہنم، عذاب و اجر
ساری قیامتیں اسی دنیا کے دم سے ہیں
افتخار عارف

 

[La Alma]

ہم اپنی دھرتی سے اپنی ہر سمت خود تلاشیں
ہماری خاطر کوئی ستارہ نہیں چلے گا
محسن نقوی

 

[یاسر شاہ]

میت پہ میری آ کے دل ان کا دہل گیا
تعظیم کو جو لاش مری اٹھ کھڑی ہوئی
داغ

 

[سیما علی]

مجھ کو آمادۂ اصلاح وہ کرتے ہیں جلیل
کتنے اچّھے ہیں جو مجھ !!کو بُرا کہتے ہیں

(جلیل قد وائی)

 

[ظہیراحمدظہیر]

ماں نے شکر کا سبق پڑھا کر ایسی دی ہے چھاؤں
جب بھی اس سے باہر نکلوں ، جل جاتے ہیں پاؤں
(ریحان بنارسی ۔ حیدرآباد سندھ)

 

[سیما علی]

سفر میں دوست ہی چہرے بدل کے ملتے رہے
فریب دیتا رہا !!!!!!!ا وڑھ کے نقاب کوئی
چلو دعا کریں مل کے !!خدائے واحد سے
ہمارے در پہ بھی دستک دے انقلاب کوئی

عالم آرا

 

[سیما علی]

وقت نے ایک ہی نکتہ تو کیا ہے تعلیم
حاکم وقت کو !!مسند سے !!اتارا جائے
جون ایلیا

 

[سیما علی]

ظلمت ہی کے سائے میں سکوں ڈھونڈئیے مظہرؔ
خیرات بہت مانگ چکے نور سحر سے
مظہر امام

 

[سیما علی]

ظل ہما بھی واں سے سعادت کرے حصول
جس سر زمیں پہ نقش قدم ہے فقیر کا
نظیر اکبر آبادی

 

[سیما علی]

ظلم سہنا بھی تو ظالم کی حمایت ٹھہرا
خامشی بھی تو ہوئی پشت پناہی کی طرح
پروین شاکر

 

[طاہر شیخ]

نامرادی کا یہ عالم ہے کہ اب یاد نہیں
تو بھی شامل تھا کبھی میری تمناؤں میں
احمد فراز

 

[شمشاد]

چٹک میں غنچے کی وہ صورت جاں فزا تو نہیں
سنی ہے پہلے بھی آواز یہ کہیں میں نے
اختر علی اختر

 

[علی وقار]

برباد کر گئی مرے لہجے کی تمکنت
تھا میرا انکسار بھی پندار کی طرح

کرّار نُوری

 

[طاہر شیخ]

ہر رنگ میں تیرے ساتھ میں رنگ جاؤں مگر سن
لازم ہے یہ تجھ پہ بھی کے تو رنگ نہ بدلے
نامعلوم

 

[طاہر شیخ]

بھولے ہیں رفتہ رفتہ انہیں مدتوں میں ہم
قسطوں میں خودکشی کا مزا ہم سے پوچھئے

خمار بارہ بنکوی

 

[شمشاد]

آنکھ سے دور سہی دل سے کہاں جائے گا
جانے والے تو ہمیں یاد بہت آئے گا
عبید اللہ علیم