سراج اورنگ آبادی ::::::میرے جگر کے درد کا چاراکب آئے گا :::::: Siraj Aurangabadi

طارق شاہ

محفلین
غزل
سِراؔج اورنگ آبادی

میرے جِگر کے درد کا چاراکب آئے گا
یک بار ہوگیا ہے، دوبارا کب آئے گا

پُتلی ، ہمارے نیں کے جھروکے میں بیٹھ کر !
بیکل ہو جھانکتی ہے، پیارا کب آئے گا

اُس مُشتری جبِیں کا مجھے غم ہُوا زُحل
طالع مِرے کا نیک سِتارا کب آئے گا

مُرجھا رہی ہے دِل کی کلی غم کی دُھوپ میں
گُلزارِ دِلبری کا ہزارا کب آئے گا

ہے شاد اپنے پُھول سےہر بُلبُل، اے سراؔج !
وہ یارِ نَوبہار ہمارا کب آئے گا

سراؔج اورنگ آبادی


 
Top