میرے پسندیدہ اشعار

[مومن فرحین]

ہم کو اچھا نہیں لگتا کوئی ہم نام تیرا
کوئی تجھ سا ہو تو پھر نام بھی تجھ سا رکھے

 

[شمشاد خان]

اس شہر میں رہنا ہے بیابان میں رہنا
صورت نہیں پہچانتے ہم سایے ہماری

یہ گھر یہ گلی ذہن میں کر لیجئے محفوظ
ممکن ہے کبھی آپ کو یاد آئے ہماری
(انور شعور)

 

[مومن فرحین]

چھوڑ کر جاؤں تیرے شہر کی گلیاں کیسے
دل یہاں جسم یہاں روح یہاں جان یہاں

 

[شمشاد خان]

قاصد ترے بیاں سے دل ایسا ٹھہر گیا
گویا کسی نے رکھ دیا سینے پہ آ کے ہاتھ
(نظام رامپوری)

 

[مومن فرحین]

ملیں جب ان سے تو مبہم سی گفتگو کرنا
پھر اپنے آپ سے سو سو وضاحتیں کرنا

 

[شمشاد خان]

میں جاں بلب ہوں ترک تعلق کے زہر سے
وہ مطمئن کہ حرف تو اس پر نہ آئے گا
(احمد فراز)

 

[مومن فرحین]

جانتی ہوں کہ بچھڑنا تیری مجبوری ہے
پر میری جان ملے مجھ کو سزا آہستہ

پروین شاکر

 

[شمشاد خان]

سرکتی جائے ہے رخ سے نقاب آہستہ آہستہ
نکلتا آ رہا ہے آفتاب آہستہ آہستہ

جواں ہونے لگے جب وہ تو ہم سے کر لیا پردہ
حیا یک لخت آئی اور شباب آہستہ آہستہ
(امیر مینائی)

 

[مومن فرحین]

حیا سے حسن کی قیمت دو چند ہوتی ہے
نہ ہوں جو آب تو موتی کی آبرو کیا ہے

 

[شمشاد خان]

ایک جنم میں میں اس کا تھا ایک جنم میں وہ میرا
ہم نے کی ہر بار محبت لیکن باری باری کی
(عامر امیر)

 

[مومن فرحین]

دل نے ہر بار نئی آنکھ سے دیکھا تجھ کو
مجھ کو ہر بار نئی تجھ سے محبت ہوئی ہے

 

[شمشاد خان]

اب بھی گر سمجھے تو مجھ کو ہے وہی تجھ سے پیار
چھیڑ کا ننگ نہیں تیری نہ گالی کا ہے عار
میر تقی میر

 

[شمشاد خان]

دل نے بر بار نئی آنکھ سے دیکھا تجھ
مجھ کو ہر بار نئی تجھ سے محبت ہوئی ہے

پہلے مصرعے میں کچھ گڑبڑ لگ رہی ہے۔

 

[مومن فرحین]

پہلے مصرعے میں کچھ گڑبڑ لگ رہی ہے۔

اوہ ۔۔" کو "لکھنا بھول گئی

 

[شمشاد خان]

اوہ ۔۔" کو "لکھنا بھول گئی

تو اب اس کو مدون کر دیں۔

 

[مومن فرحین]

جی آپ کے کہنے پر پہلے ہی کر دیا ہے ۔۔۔

 

[مومن فرحین]

بہت عزیز سہی اس کو میری دلداری
مگر یہ ہے کہ کبھی دل میرا دکھا بھی گیا

 

[شمشاد خان]

دل نے بر بار نئی آنکھ سے دیکھا تجھ کو
مجھ کو ہر بار نئی تجھ سے محبت ہوئی ہے

دل نے بر بار ۔۔۔۔۔ نہیں "دل نے ہر بار ۔۔۔۔۔۔ ہے۔ بر کو ہر کر دیں۔

 

[مومن فرحین]

دل نے بر بار ۔۔۔۔۔ نہیں "دل نے ہر بار ۔۔۔۔۔۔ ہے۔ بر کو ہر کر دیں۔

جی وہ بھی کر دیا ۔۔۔۔ شکریہ تصحیح کے لیے

 

[شمشاد خان]

بہت عزیز سہی اس کو میری دلداری
مگر یہ ہے کہ کبھی دل میرا دکھا بھی گیا

ترے نہ آنے سے دل بھی نہیں دکھا شاید
وگرنہ کیا میں سر شام سونے والا تھا
(جمال احسانی)